Dodiku: Serbia është rob i Kosovës

Presidenti i Republikës Srpska, Milorad Dodik, tha se komuniteti ndërkombëtar e ka poshtëruar Serbinë dhe se është koha që Serbia të marrë një satisfaksion: veriun e Kosovës!
Dodik shtoi se Serbia nuk duhet të jetë i burgosur i Kosovës dhe se duhet të shtrojë çështjen e përhershme të ndarjes së popullit serb dhe shqiptar.

Në një intervistë për ditoren “Danas” ai ka thënë se “status quoja nuk është zgjidhje e mirë, sepse në vitet e fundit ka treguar se është në favor të ndërtimit të pavarësisë dhe shtetësisë së Kosovës”.

"Duhet shtruar çështjen e ndarjes së popullit serb dhe shqiptar, gjë që kritikohet edhe nga bota e zhurmshme dhe neo-liberale nga Beogradi. Se bashkëjetesa e përhershme është e pamundur, këtë e tha bashkësia ndërkombëtare në vitin 1999, ndërsa sot ajo nuk pranon kur të njëjtën gjë e themi ne”, deklaron Dodik.