Peci: Goditje e rëndë për gjyqësinë

Peci: Goditje e rëndë për gjyqësinë

Me rastin e arrestimit të një gjyqtari të Gjykatës Komunale në Gjilan, i cili dyshohet për kryerje të veprës penale, kryesuesi i Këshillit Gjyqësor të Kosovës, Enver Peci, shpreh indinjatën e thellë për këtë ngjarje, duke e cilësuar këtë akt si një goditje të rëndë për sistemin gjyqësor.
Kryesuesi i Këshillit Gjyqësor të Kosovës e cilëson këtë si një goditje të rëndë për sistemin gjyqësor përkundër të gjitha përpjekjeve dhe të arriturave në përmirësimin e kushteve dhe ambientit të punës së gjyqtarëve.

Peci zotohet se personalisht dhe institucionalisht do të ndihmojë dhe ofrojë përkrahjen e tij ndaj organeve te ndjekjes dhe qytetarëve të gatshëm në zbulimin e rasteve të tilla në sistemin gjyqësor, thuhet në një komunikatë të lëshuar nga KGJK.

“Inkurajohen të gjithë qytetarët që kanë çfarëdo informate mbi veprimet me elemente korruptive të zyrtarëve brenda sistemit gjyqësor që pa ndonjë hezitim të njoftojnë organet përkatëse të ndjekjes gjegjësisht policinë dhe Prokurorinë”, thuhet në deklaratën e Pecit.

ehe si tsillesh ashtu do perfundosh