Sejdiu ngushëlloi familjet e viktimave të aksidentit në Austri

Presidenti i Kosovës, Fatmir Sejdiu i ka ngushëlluar familjet e viktimave që pësuan në aksidentin e komunikacionit në Austri, ndërsa të lënduarve u ka dëshiruar shërim të shpejtë.
“Në këto çaste pikëllimi, ne shprehim solidaritetin tonë të plotë me ju dhe lutemi për shpirtin e bashkëqytetarëve tanë, të cilët pësuan në këtë fatkeqësi të rëndë. Gjithashtu, ne lusim Zotin që të lënduarit të shërohen sa më parë dhe t’u kthehen familjeve të tyre”, thuhet veç tjerash në telegramin e presidentit Fatmir Sejdiu