Henry dhe Toure largohen nga Barcelona

Barcelona ka konfirmuar se Thierry Henry dhe Yaya Toure do të largohen nga klubi gjatë verës. Sulmuesi Henry 32 vjeç pritet të kalon në Major League Soccer në Amerikë ndërsa mesfushori Toure, 27 vjeç thuhet se është në prag të transferimit në Manchester City.

“Drejtori i përgjithshëm i Barcelones, Joan Oliver ka thënë se klubi ka pranuar largimet e Yaya Toures dhe Thierry Henrys”, thuhej në një komunikatë të Barcelonës.

“Por, lëvizjet e ardhshme janë në duart e tyre”, shtoi ai. Henry i ndihmoi Barcelonës në suksesin rekord prej gjashtë titujve përfshirë Ligën e Kampionëve më 2009. Por, francezi realizoi vetëm katër gola edicionin e kaluar që ishte sezoni i tij i tretë në Nou Camp.

Ai kishte edhe një vit në kontratën e tij me gjigantin katalan. Ndërsa, menaxheri i Toures ka njoftuar të hënën se reprezentuesi i Bregut të Fildishtë do të finalizoj transferimin në Eastlands gjatë kësaj jave.