KUSH JE TI?

Dua të mendosh, nipçe, dhe të më tregosh: a e di KUSH JE TI? Të betohem nipçe se nuk e di dhe nuk ke menduar kurrë se kush je ti!

Dje isha në komunë, i dhashë dokumentat për leje të njohtimit, dhe, a di çka ndodhi? Më detyruan që me gishtin tregues, të lagur në një ngjyrë, t’i lë gjurmët e gishtit në një letër.

Më vonë, kur u ktheva në shtëpi, shfletova librat e mia dhe mësova se: gjurmët e gishtit, nënshkrimi dhe aroma e trupit janë tri veçanti të individit përmes të cilave të gjejnë në fund të botës. Këto janë vetëm tri veçanti, të cilat i ka pranuar hetuesia botërore dhe, përmes tyre të gjejnë kudo të jesh. Merre me mendë, nipçe, mbi gjashtë miliardë banorë i ka bota sot, përmes këtyre tri veçantive që i ka pranuar hetuesi botërore, Interpoli dhe Europoli të gjejnë në fund të botës, sepse askush në botë, në mesin e gjashtë miliardë banorëve, nuk i kanë gjurmët identitike të gishtrinjve që i kam unë, as nënshkrimin tim e as aromën e trupit tim.

Po kur u thellova pak më mirë në literaturë, vërejta se janë edhe mijëra veçanti të tjera, të panjohura brenda njeriut: kush e ka, nipçe, shikimin tënd, ngjyrën e zërit tënd, hapin tënd, mendimin tënd...

E sheh, nipçe, vetëm brenda trupit tënd gjenden me mijëra e mijëra veçanti që, edhe pse të gjithë i takojmë gjinisë njerëzore, secili individ në këtë planet i ka veçantitë që e bëjnë të jetë i dalluar dhe i jashtzakonshëm në mesin e të gjithë të tjerëve.

E tash, më thuaj nipçe, kur je i sigurt, qindpërqind i sigurt se brenda qenies tënde gjenden të gjitha këto veti të veçanta, që i ke vetëm ti dhe askush tjetër në botë, a ka kuptim të bëhesh kopje e dikujt apo të jesh vetë origjinali, ti dhe vetëm ti i veçanti?

A ka kuptim, nipçe, të ecësh zhagas nëpër jetë, të jesh një prej gjithë atyre që e përbëjnë kopenë, apo të zbulosh fuqinë tënde të panjohur dhe të bëhesh me i rëndësishmi, më i dalluari, më i suksesshmi? Nuk ke ardhë në jetë të bëhesh kopje e askujt, sepse nuk ka nevojë të jenë dy njerëz të njëjtë në jetë, por ke ardhë që të plotësosh detyra krejtësisht të veçanta dhe të arrish majat e suksesit, pra të bëhesh bjeshkë krenare, bjeshkë e madhe me maje të lartë.

Majet e bjeshkëve janë të vetmuara, nipçe, nuk kanë shoqe dhe nuk mund të kenë, pikërisht sikur ti që duhet të shndërrohesh në maje të lartë, në maje të veçantë, pa kund të ngjajshëm mbi këtë sipërfaqe të tokës. Sot kam mësuar shumë dhe ta thashë ty. Tash ti e di... E dituria, të thashë, është fuqi për tejkalimin e pengesave...

Nga margaritarët e mendimit do t'i shkëpus disa nënvizime që, të jesh i sigurt, do të duhen gjithmonë:


Gjej kohë për të punuar – ky është çmimi i suksesit. As në fjalor, fjala sukses nuk gjendet para fjalës: punë!

Gjej kohë për të menduar, mendimi është burim i forcës;

Gjej kohë për të luajtur, loja është rinim, fshehtësi e rinisë;

Gjej kohë për të lexuar – leximi është themeli i të gjitha dijeve.

Gjej kohë për t'u kënaqur me ata që i do e të duan – dashuria është rruga më e sigurt për të prekur lumturinë;

Gjej kohë për të ëndrruar – ëndrra e madhe është rrugë që të lidhë me yllin tënd;

Gjej kohë të dashurosh dhe të të dashurojnë, kjo është privilegjë hyjnore;

Gjej kohë të vështrosh të gjitha lëvizjet në natyrë, dita është tepër e shkurtë për vetmi;

Gjej kohë për të qeshur – e qeshura është muzika e shpirtit...)


Daut Demaku.

Ti nuk flet me mua







Ti nuk flet me mua
arsyen as vete nuk e di
ti luan me mua por brenda teje beson tek kjo dashuri
ti,ti........pse je ti
kaq mosperfilles ndaj asaj c'fare ke
i padrejte ne gjykime, egoist ne mendime
ti me ben te vuaj,thyen zemren time
je ti vetem ti
ai ne mendimet e mia
ti me ben te kuptojse c'fare eshte dashuria.

Ndoshta
Ndoshta ti do te ikesh nje dite
si fllad i lehte ne qetesi
me shpresen e harreses mes nesh
mes ne te dyve, mes dashurise
ndoshta do te ikesh i qete
pa dashur koken t'a kthesh pas
pa dashur syte e mi t'i kujtosh me lot
te mbushur me dhimbje plot
ndoshta do te qash edhe ti
ashtu si une me zemer te ngrire
ndoshta do te me puthesh duke thene
me vjen keq e dashur, lamtumire
por ndoshta dhimbja do te te mbyse
dhe zemra nuk do qe te iki kurrsesi
sado qe larg ti mund te shkosh
ndoshta do te kthehesh perseri.

Kur ti largohesh .....



zemra e ndjen shtrengimin

kur ti largohesh prej meje, prej dritherimes
qe shkakton prezenca jote
prej rrahjes se forte te zemres
trembet dhe ndjenja me e fshehur e qenies time
trembet per faktin e vetem se kur ti largohesh
largohet oksigjeni prej trupit tim
largohet drita prej syve te mi
largohet jeta rreth meje
largohesh ti e vetmja arsye e zgjimit ne mengjes
i vetmi mendim kur bie ne shtrat
dhe une trembem te zgjohem
per tu perballur me vetmine
dhe deshiren e forte per te te pasur prane