Ka fituar 14 milionë dollarë, arkëtari i paguan t’ima

Fituesit të madh të lotos, amerikanit Milledge McCassell, përveç fatit, i është dashur edhe arkëtari i ndershëm. Një arkëtar mashtrues i ka thënë që ka ndodhur një gabim dhe pensionisti amerikan Milledge McCassell (72) nga New Yorku gati ka mbetur pa çmimin e lotos prej 14 milionë dollarëve, sepse punëtori i “Dynasty Deli” në Queens ka tentuar ta mashtrojë. Pasi që arkëtarit në ekran i ka shndritur që tiketa e lotos ka fituar, me ftohtësi i ka thënë McCassellit që ka ndodhur një gabim dhe i ka paguar vetëm disa dollarë.
-“E çka u bë me fitimin e madh”, e kam pyetur, dhe ai më ka thënë që nuk ia kam dhënë tiketën fituese dhe ka shtuar se nuk dinte për çfarë jam duke folur, – tha McCasell për New York Daily Mail. Mashkulli anonim e ka marrë tiketën dhe nuk ka dashur ta kthejë duke pretenduar që e ka humbur. McCassell e ka ditur që diçka nuk është në rregull dhe ditën tjetër ka shkuar tek punëtori tjetër, tek i cili ka pasur besim. Bashkë e kanë thirrur lotarinë dhe kanë paraqitur rastin. Pronari i qendrës tregtare, Taha Al Saidi, dramën mbi tiketën e ka quajtur një mosmarrëveshje të madhe dhe ka thënë që askush nuk mashtron në qendrën e tij tregtare. Punëtori nuk punon më atje. Megjithatë, lotaria ka ndaluar shitjen e mëtejshme të tiketave aty dhe ka tërhequr gjithë aparatet. Mashtruesin tani e kërkon policia.
“Jam shumë i entuziazmuar! Kjo ka qenë një përvojë mjaft e keqe” - ka shtuar McCassell, ndërsa mbesa e tij ka shtuar që kurrë nuk do të blejë më në atë qendër tregtare.

sa gjynah qe me vjen per pensionistin e gjore qe e kan mashtruar ne kete menyre