Lëvizja pa viza vazhdon normalish

Procesi i lëvizjes pa viza i qytetarëve shqiptarë ka vijuar normalisht pa probleme në të gjitha pikat e kalimit kufitar. Nga orët e para të mëngjesit të ditës së shtunë, në pikat e kalimit kufitar kanë kaluar me pasaportë biometrike 1 594 shtetas shqiptarë.

Në një njoftim të Policisë së Shtetit, nga pika e kalimit kufitar të Kakavijës numri i shtetasve që kanë udhëtuar me pasaportë biometrike është 367, ndërkohë që 37 persona janë kthyer, njofton Start.

- Nga pika e kalimit kufitar në Rinas, me pasaportë biometrike kanë kaluar 652 shtetas, dhe janë kthyer 2 persona.

- Në pikën e kalimit kufitar të Kapshticës kanë lëvizur me pasaportë biometrike 242 shtetas shqiptarë, dhe janë kthyer 7.

- Në pikën e kalimit kufitar të Portit të Durrësit kanë kaluar me pasaportë biometrike 271 shtetas shqiptarë, dhe janë kthyer 42. (kalimet nga momenti i nisjes së tragetit)

- Përmes pikës së kalimit kufitar të Qafë Botës kanë lëvizur me pasaportë biometrike 39 shtetas, dhe janë kthyer 16.

- Në pikën e kalimit kufitar të Tre Urave kanë kaluar 23 shtetas dhe janë kthyer 2.

Lëvizja e lirë, pa viza, e qytetarëve Shqiptarë po vazhdon pa probleme, me ritëm normal, në të gjitha vendet e zonës Shengen, njofton Policia e Shtetit. Ndërkaq, gjatë 24 orëve të së premtes kanë kaluar me pasaportë biometrike 2 350 shtetas shqiptarë.