Profesioni i axhustatorit dhe pasioni për gdhendjen

Dikur
Njeriu që i jep shpirt gurit, dikur ka punuar për 35 vjet axhustator në ish-Uzinën Metalike të Gjirokastrës. “Të punosh si axhustator është art më vete. Ne i thoshim atëherë, artisti i mekanikës. Përgatisnim lloj-lloj stampash, kallëpesh, forma të cilat përdoreshin për prerje dhe dredhje. Nga ajo kohë kam vetëm një kujtim, një autoportret të gdhendur me dorë, në një pllakë të madhe bronzi, ku për model mora një fotografi nga një revistë që kishte botuar fotografinë time si mjeshtër novator dhe racionalizator”. Nëpërmjet duarve të tij të arta janë prodhuar dhjetëra stampa jo vetëm për Uzinën Metalike, ku punoi për 35 vjet, por edhe për ndërmarrje të tjera. “Kur ishte 500-vjetori i Skënderbeut i kërkova drejtorisë që të kompozoja një model kutie metalike që të kishte të stampuar portretin e Skënderbeut. Propozimi im u pranua. Stampa u prodhua dhe artikulli, mbaj mend, u shit si suvenir në dyqanet e prodhimeve artistike. Që atëherë më lindi dëshira dhe pasioni për të skalitur dhe për t’i dhënë gurit forma dhe modele artistike”, tregon ai.

Tpakten e paska profesion dhe qenka i gezuar nga puna qe ben..