Tifozët Me Barcelonën

nga Vizitor Sat 25 Jul 2009 - 12:10

Barcelona kryeson listën e klubeve me përkrahjen më të madhe në Evropë, sipas një hulumtimi të bërë nga kompania gjermane e marketingut Sport + Markt. Me 44.2 milionë tifozë, Barcelona gjendet para rivalit të saj të përhershëm nga La Liga, Real Madrid dhe kampionit aktual të Evropës e të Anglisë, Manchester United.

Por, paraqitjet e shkëlqyeshme në fushë të ekipit katalan fitojnë vazhdimisht e më tepër tifozë. Sport + Markt ka theksuar se klubi nga Nou Camp ka 44.2 milionë tifozë, më tepër se cilido klub tjetër në Evropë.

Pas Barcelonës gjendet Real Madrid me 41 milionë, ndërsa Manchester United ka 37.6 milionë. Me fjalë tjera, Barcelona ka 3.2 milionë tifozë më tepër se rivali nga Santiago Bernabeu dhe 6.6 milionë më tepër se kampioni i Evropës.

Treshja përcillet nga Chelsea dhe i befasishëm është rezultati se kampioni i Rusisë, Zenit St Petersburg gjendet në pozitën e pestë me 23.9 milionë. Sport + Markt ka bazuar hulumtimin e tij nga 9,600 tifozë të futbollit nga mosha 15 deri 69 në 19 shtete evropiane, Gjermani, Britani e Madhe, Spanjë, Itali, Francë, Holandë, Portugali, Turqi, Kroaci, Republika Çeke, Austri, Poloni, Rusi, Hungari, Zvicër dhe Greqi.

Ndërsa në sezonin e tyre debutues në Bundesligë, lideri Hoffenheim ka filluar të zgjojë përkrahje nga tifozët e futbollit evropian me 1,352 % rritje të rrjetit të tifozëve, për dallim me sezonin e kaluar dhe gjendet në pozitën e 39-të.

Top 10 më të përkrahurat në Evropë (në milionë)

1.- FC Barcelona, 44,2
2.- Real Madrid, 41
3.- Manchester United, 37,6
4.- Chelsea, 25,6
5.- Zenit San Petersburg, 23,9
6.- Liverpool, 23
7.- Arsenal, 21,3
8.- AC Milan, 21
9.- Bayern Munich, 19,8
10.- Juventus, 17,5
11. CSKA M 11.1
12. Inter 10.3
13. Lyon 9.4
14. Marseille 9.4
15. Galatasaray 9
16. Spartak M 8.1
17. Fenerbahçe 7.3
18. Wisla Krakow 6.5
19. Ajax 6.5
20. Dinamo M. 5.7