Zbulohet një shpellë në Hënë

Shkencëtarët nga India kanë zbuluar një shpellë të madhe në Hënë, në të cilën ka vend të mjaftueshëm për të qenë bazë e ‘udhëtarëve’ nga Toka.

Deri te ky zbulim kanë arritur duke analizuar fotografitë 3D, të cilat vitin e kaluar i ka bërë sateliti Chandrayaan-1.

Organizata hulumtuese e gjithësisë nga India ka njoftuar se është zbuluar shpella e gjatë 1.7 kilometra dhe e gjerë 120 metra, që është e mjaftueshme për të vendosur ‘një qytet hënor’.

Edhe para dy vitesh, agjencia japoneze e gjithësisë zbuloi një shpellë në Hënë, mirëpo ajo është dukshëm më e vogël.

Kushtet që ofrojnë këto shpella në Hënë, japin shpresa se në njëzet vitet e ardhshme mund të ndodhë ‘kolonizimi’ i hënës- shkruan Telegraph. /Telegrafi/

teper e habitshme,edhe njerezit mungokan qe ta bejn apartament taman