Arrestohen poseduesit e një ton marihuane

nga **Katniss** Tue 8 Mar 2011 - 4:22

Policia e Tiranës në bashkëpunim me forcat RENEA arrestuan të martën pasdite Ardian Halilin (40) nga Tepelena, nga një nga dy personat që akuzohen si posedues të një ton marihuanë të sekuestruar nga policia e Gjirokastrës më 7 shkurt në operacionin “Koordinata”.

Droga ka qenë e depozituar në dy automjete të ndryshme dhe që kishin si destinacion Greqinë. Halili kishte arritur t’i shpëtonte postbllokut të policisë në fshatin Derviçan, duke u larguar nga makina e tij në të cilën u sekuestrua sasia prej 180 kilogramë marihuanë

Bashkëpunëtori i Halilit, Artan Bresha (34) nga Tepelena, u arrestua një ditë më parë pasi u kap duke transportuar 820 kilogramë drogë në drejtim të Sarandës, raportoi Balkanweb.

Arrestimi i Ardian Halilit u krye në barin e një hoteli mbi fakultetin e ekonomikut, nën shoqërinë e tre personave të tjerë të cilët pasi janë marrë në pyetje janë lënë të lirë. /Telegrafi/