Dhjetëvjeçarja e verbër përkthen në PE

Alexia Sloane edhe pse është plotësisht e verbër dhe ka vetëm 10 vjet, ka pasur rastin të përkthejë në Parlamentin Evropian (PE). Ajo flet rrjedhshëm katër gjuhë.
Vajza nga Cambridge ka humbur të pamurit në moshën dyvjeçare, kur iu zbulua tumori në tru. Pas kësaj iu nënshtrua kimioterapisë. Me gjithë invaliditetin, vajza tani flet rrjedhshëm, përveç anglishtes amtare, frëngjisht, spanjisht dhe mandarin, dhe ka filluar të mësojë edhe gjermanisht, rusisht e arabisht, transmeton Metro.
Asaj i është plotësuar ëndrra që të përkthejë, kur në PE në Bruksel e solli Robert Sturdi, anëtar i parlamentit nga Anglia lindore dhe anëtar i Partisë Konservative. “Kufiri i moshës për hyrjen në PE është 14 vjet, kështu që është interesant që Alexia me vetëm 10 vjet ka qenë atje dhe madje ka përkthyer”, ka deklaruar nëna e Alexias, Isabel.
“Në Bruksel ishte fantastike. Kam përkthyer nga spanjishtja e frëngjishtja në anglisht. Kishte disa fjalë teknike, por u gjenda disi. Jam e vendosur që një ditë të bëhem përkthyese simulante dhe asgjë nuk do të më ndalojë në këtë”, ka thënë Alexia.

si ka mundesi,qe mundet qe ta bej dicka te tille