Kur filluan të shkruanin njerëzit?

Nuk ka datë të veçantë-shkrimi u shfaq në kohë të ndryshme, në vende të ndryshme të botës. Shkrimi i parë filloi me njerëzit që gdhendin vizatime mbi argjilë të lagur ose mbi copa druri ose guri (ekspertët i quajnë këto shenja piktografe). Me kalimin e kohës, shenjat u shtuan, duke hapur rrugën shkrimeve të ndërlikuara.



Shkrimi egjiptian

Shkrimi egjiptian quhej hieroglif, nga greqishtja, që do të thotë “skalitje e shenjtë”. Egjiptianët besonin se hieroglifet ishin shpikur nga Thoti, perëndia e të mësuarit dhe shkencave. Hieoroglifet ishin më shumë se 700 simbole të ndryshme, që mund të lexoheshin nga e majta në të djathtë, nga e djathta në të majtë ose nga lart-poshtë.

Më vonë, egjiptianët zhvilluan shkrimin e quajtur hieratik (në shkrimet e shenjta), që shkruhej nga e djathta në të majtë.

Shkrimi kinez

Shkrimet më të hershme kineze gjenden mbi kocka hajmalish-pjesë kocke demi ose zhguall breshke, që përdoreshin për të komunikuar me zotat. Rreth viteve 500 p.e.r., shkruesit kinezë shkruanin me bojë dhe furça mbi fije bambuje të lidhura bashkë.

Ata shkruanin edhe mbi copa mëndafshi. Letra u shpik në vitin 104 të erës sonë. Gjuha kineze shkruhet me karaktere të quajtura hanzi. Për të formuar karakteret përdoren dymbëdhjetë shenja bazë: një karakter mund të përbëhet nga 1 deri në 64 shenja.

Alfabetet e para

Alfabeti mund të jetë shpikur nga kanatinët, të cilët jetonin në rajonin e Gazës, 4000 vjet më parë. Atyre u lindi ideja e përdorimit të më pak se 30 shkronjave apo simboleve fonetike (shenja që përfaqësojnë tingujt).

Aty rreth viteve 400 p.e.r., alfabeti zëvendësoi shkrimin kuneiform në Lindjen e Mesme. Tregtarët fenikas që jetonin në Libanin e sotëm, kaluan alfabetin e tyre te grekët dhe ai u bë më vonë baza e alfabeteve moderne evropian

Besoj se kan filluar te shkronin qysh kur kan lindur...