Vrasja në Zvicër nxit gjakmarrje

Vrasja e Sadete S. nga bashkëshorti i saj Shani S. javën e kaluar në Zvicër, mund të shkaktojë një gjakmarrje të re.\
Familjarët e gruas 52 vjeçare e cila u vra nga dora e burrit të saj kanë theksuar se do të kërkojnë gjakun për këtë vrasje mizore, shkruan gazeta zvicerane “Sonntags Zeitung”.
Sipas gazetës, viktima Sadete është varrosur këtë javë në fshatin e babait të saj, në komunën e Prizrenit dhe familjarët e saj i kanë çuar selame bashkëshortit vrasës.
Askush nga familja e Shani S. nuk është lejuar të marrë pjesë në ceremoninë e varrimit. Pas periudhës së zisë, familjarët e Sadetes kanë pohuar se do të përkujdesen për të marrë gjakun.

Por, Kryetari i Këshillit të Shqiptarëve në Zvicër, Orhan Spahiu, ka bërë thirrje për modernizim dhe ka thënë se këtë duhet ta zgjidhin organet e drejtësisë.

Gazeta raporton edhe për letrën e ministri Makolli dërguar ambasadorit zviceran në Prishtinë, i cili ka shprehur pakënaqësinë për zhvillimet e fundit me shqiptarët në Zvicër.

Shani S. vrau bashkëshorten e tij, për shkak të problemeve familjare dhe vajzat e tij.