Rihanna e punon albumin në hotele

Rihanna po punon në albumin e ri nëpër hotele anë e mbanë globit duke përdorur një studio improvizuese.

Pop ylli që është aktualisht në turne në Evropë dhe është duke punuar në projektet e reja, duket se po shfrytëzon një studio lëvizëse për të regjistruar këngët e reja, gjithnjë sipas producentit Kuk Harrell.

“Përpos turneut, ne po regjistrojmë albumin e ri të Rihannas. Ne kemi një studio improvizuese të cilën e kemi montuar në hotele të ndryshme ku po qëndrojmë. Para turneut evropian, ne filluam regjistrimin e albumit në Los Angeles. Rihannës i pëlqen të punojë deri në orët e vona, të punojë nga ora 9 pasdite deri në ora 6 të mëngjesit”, theksoi Harrell.

Albumi i ri i Rihannës “Talk That Talk” pritet të lansohet në nëntor të këtij viti.

epo aty e ka perzgjedhur ta bej klipin e saj te ri