Martohet Rudina Xhunga

nga **WebMaster** Sun 16 Oct 2011 - 23:27

Është fejuar e martuar “shpejt e shpejt” gazetarja e njohur e Top-Channel-it, Rudina Xhunga. Nuk ka asnjë muaj që Xhunga u fejua me diplomatin Dritan Hila, ngjarje për të cilën qerasi gjithë kolegët e televizionit ku punon me llokume. Fejesa e saj nuk kaloi dot në heshtje dhe e njëjta gjë ndodhi edhe me martesën.Pasditen e djeshme, çifti i është drejtuar njësisë bashkiake nr. 5 në kryeqytet për t’u lidhur në martesë. Nuk dihet nëse pas celebrimit, gazetarja e çështjeve sociale e politike dhe Dritan Hila kanë plan të organizojnë ndonjë ceremoni alla shqiptare, me fustan të bardhë e shumë të ftuar, pasi moderatorja e emisionit “Shqip” nuk ka pranuar që të flasë për këtë çështje.Por kush është bashkëshorti i saj?! Fillimisht një diplomat i rezervuar, ish-punonjës në Ministrinë e Punëve të Jashtme, më pas analist për çështjet ndërkombëtare, emri i Hilës do të lakohej shpesh kohëve të fundit në ekrane të ndryshme televizive apo edhe në opinione e analiza në faqet e të përditshmeve shqiptare. Ndoshta çifti është njohur gjatë pjesëmarrjeve të Hilës në emisionin “Shqip”, por kjo gjë nuk është saktësuar ende.