Fakte rreth meshkujve

nga **WebMaster** Mon 24 Oct 2011 - 0:27

Meshkujt dhe femrat ndryshojnë nga njëri-tjetri në shumë aspekte. Kjo është arsyeja, që ndonjëherë femrat e kanë të vështirë t’i kuptojnë veprimet e tyre.
Kësaj radhe ekspertët i drejtohen vetëm gjinisë femërore dhe ofrojnë fakte shumë interesante rreth meshkujve dhe preferencave të tyre.
Nostalgjik për fëmijërinë
Në çdo mashkull, ‘ndodhet’ një fëmijë. Nëse besoni se ai i juaji nuk e ka këtë veti, vështrojeni atë përderisa bashkë me shokët e tij është duke shikuar futboll ose është duke luajtur diçka dhe nuk do të mund ta gjeni asnjë argument, që do ta justifikonte sjelljen e tyre fëmijërore. Nga ana tjetër, fëmija në brendësi të tyre del në pah edhe kur dëshironi të kujdeseni për ta. Mashkulli kënaqet kur e dashura e tij i përgatit ushqimin e preferuar, vetëm ta disponojë atë në qoftë se ai është i mërzitur. Meshkujt gjatë gjithë jetës mbeten fëmijë.
Preferojnë sfidat
Meshkujt duan emocionin, ata duan të sfidohen. Janë krijuar, që të sillen si gjuetarë dhe e duan këtë rol, kurse femrat shpesh e harrojnë apo e injorojnë këtë fakt. Për të fituar mashkullin, që ju e doni, imponoje në atë mënyrë situatën, që ai të ngas pas jush. Dhe pastaj kur ai do të arrij ta vë krahun e tij rreth jush, bëje të ndjehet se ka fituar diçka shumë të rëndësishme. Edhe nëse keni kaluar kohë të gjatë së bashku, përsëri duhet të vazhdoni ta stimuloni atë, që të ngas vetëm dhe vetëm pas jush, sepse kur ata pushojnë ta bëjnë këtë, do ta humbasin edhe interesimin ndaj jush.
Jo të gjithë tradhtojnë
Dëshira është diçka tjetër, por diçka tjetër është ta bëjë atë që mendon. Meshkujt e duan fantazinë. Në botën e tyre ideale fantazojnë femra të ndryshme. Hulumtimet tregojnë se gjysma e meshkujve do të dorëzoheshin para një femre, në qoftë se do të ishin të sigurt se partnerja e tyre nuk do të dinte asgjë në lidhje me këtë. Ata shpesh bien në situata ku u duhet të luftojnë kundër prirjeve të tyre seksuale, por ka nga ata që ia dalin me sukses.
E duan pornografinë
Para disa muajve u transmetua një informacion se një grup shkencëtarësh përpiqen për të bërë kërkime që ti krahasojnë pikëvështrimet e meshkujve që të paktën një herë në jetën e tyre kanë shikuar pornografi dhe të atyre, që kurrë nuk kanë shikuar. Hulumtimi dështoi edhe para se të fillon. Ata nuk arritën të gjejnë asnjë mashkull, që nuk ka parë asnjëherë në jetën e tij materiale pornografike. Meshkujt që nuk janë në lidhje me ndonjë femër, shikojnë pornografi mesatarisht në një kohëzgjatje prej 40 minutash, nga tri herë në javë, kurse ata, që janë në lidhje mesatarisht 20 minuta, në 1,7 herë në javë.