Shkolla më e vjetër shqipe në Pozheran bëhet muze

Objekti i shkollës - muze “Islam Pira” në Pozheran të Vitisë, pas rindërtimit të saj me një projekt të Ministrisë së Kulturë, do të shndërrohet në një muze të trashëgimisë kulturore e historike për rajonin e Anamoravës. Këtë e ka bërë të ditur drejtori komunal për kulturë në Viti, Visar Demiri, i cili ka thënë se ky objekt me vlera kulturo – historike, që është rindërtuar nga themeli me iniciativë të institucioneve komunale si dhe Zyrës rajonale të trashëgimisë kulturo-historike dhe me fonde të MKRS-së, pas rindërtimit kalon nën mbikëqyrje të institucioneve të Vitisë. Aty do të hapet një muze rajonal.

“Pas sqarimit të pozicioneve mes Komunës dhe Zyrës rajonale të trashëgimisë kulturore, si dhe MKRS-së rreth menaxhimit të këtij objekti,DKRS-ja e Vitisë ka iniciuar vendimin për marrjen nën menaxhim të këtij objekti që do të jetë vend ku komunat e rajonit të Anamoravës mund të ruajnë dhe të ekspozojnë eksponatet e tyre të vlerave kulturo-historike”, ka thënë Demiri.

Feriz Pira, historian, ka thënë se është bërë mirë që pas vonesave rreth funksionalizmit të kësaj shkolle - muze, e cila pas përfundimit të projektit të rindërtimit mbeti pa një përkujdesje institucionale, tani po definohet menaxhimi i saj. Shkolla muze në Pozheran të Vitisë llogaritet si një nga shkollat e para në rajonin e Anamoravës që u hap me dekret të Hasan Prishtinës në vitin 1908. Projekti i rindërtimit të objektit të shkollës shqipe në Pozheran ka kushtuar rreth 100 mijë euro dhe është mbuluar me fonde të MKRS-së.

kshu ndodh kur banesat ose institucjonet e dikurshme kthehen ne germadha