Elva Pane i sjellë Kosovës 3 çmime nga Kina

nga Emona Tue 22 Nov 2011 - 5:31

Edhe pse është nga Shqipëria ajo përfaqësoi Kosovën për herë të parë në Kinë, në spektaklin e bukurisë “World Bikini Model 2001” ku rrëmbeu tri çmime.

Elva Pane i sjellë Kosovës 3 çmime nga Kina Main_elva_pane

Elva Pane i sjellë Kosovës 3 çmime nga Kina Main_elva_pane

Tani me t’u kthyer nga Kina ajo u takua me publikun kosovarë, e lumtur që solli këto shpërblime për vendin tonë. Rreth pjesëmarrjes së saj dhe më gjerë ajo flet për “Zëri”.

Sapo jeni kthyer nga Kina, me tri çmime, si ndjeheni?

Jam shumë e lumtur që përfaqësova Kosovën, ku promovova traditat, kulturën, bukurinë në një vend si Kina që nuk njeh pavarësinë e saj.

Arrita të rrëmbej tri tituj: “Miss Fotozhenia”, pjese e “Top – Five” si dhe shoqëruesja e parë në “Miss European Tourism”.

Në këtë mënyrë lartësova emrin e Kosovës, shpërbleva suportin e shoqatës “Freedom”, si dhe sigurisht patën një rëndësi të vyer në punën time si modele. Jam më se e lumtur që Kosovës ia solla tri çmime.

I keni pritur këto çmime?

Dëshira, ambicia dhe shpresa për të fituar një titull nuk më mungonin. Por se do të kurorëzohesha me tre të tillë, këtë nuk e prisja.

Ishte një emocion i veçantë për mua dhe për më tepër një lartësim i shtetit të cilin e përfaqësoja me shumë dëshirë Kosovës.

Çfarë ju ka bërë të dalloheni nga konkurrentet tjera?

Po t’i referohemi paraqitjes fizike, ka spikatur origjinaliteti dhe thjeshtësia për të cilat më komplimentonin.

Për sa i përket paraqitjes në aspektin e sjelljes, e cila zë gjithashtu një vend shumë të rëndësishëm, ishte serioziteti, korrektësia, marrëdhënia e mirë me pothuajse të gjitha pjesëmarrëset.

E konsideroni veten me fat në fillimin e karrierës së modelimit?

Sigurisht që e konsideroj veten me fat. Ka shumë vajza të bukura, por jo të gjithave u jepet mundësia për t’u afirmuar.

Suksesi im i kushtohet gjithashtu edhe mbështetjes së shoqatës “Freedom”, dy menaxherëve Shpejtim Zejneli dhe Hazir Bajraktari, të cilët më dhanë mundësinë e përfaqësimit në këtë eveniment.

Elva more 3 çmime, ke pritur ndonjë çmim tjetër?

Secili prej çmimeve që rrëmbeva ka rëndësinë e tij, “Miss Fotozhenia”, duke qenë se fotoja është një ndër pasionet e mia, ishte padyshim kënaqësi ta merrja këtë titull.

Por më e lumtur ndihem për përzgjedhjen në “Top Five”, si përcjellësja e katërt, çmim të cilin e kam dëshiruar më së shumti.

Ke ndonjë plan konkret për të ardhmen?

Në planet e mia është të jem aktive në botën e modës, si një modele profesioniste dhe të shfrytëzoj kontratat e punës, të cilat kanë qenë të shumta pas kurorëzimit me tre çmime në Kinë.

Paralelisht me fushën e modës shkon edhe shkolla, e cila nuk del asnjëherë nga sfera e vëmendjes time. Jam në vitin e fundit në gjimnazin “Ibrahim Rugova” Kamëz.

Duhet të studioj shumë që të arrij objektivin tim për të vazhduar fakultetin ekonomik. Modele profesioniste dhe ekonomiste e zonja më bëjnë të ndihem e realizuar si individ.