Përse vazhdon të rritet pabarazia?

“Qëndrojmë të ndarë – Përse vazhdon të rritet pabarazia?” – kështu e quan OECD-ja studimin e fundit mbi shpërndarjen e të ardhurave në 34 vendet anëtare. Distanca midis të varfërve dhe të pasurve sa vjen e thellohet.

Shoqëria sa vjen e po ndahet më shumë: Të varfrit bëhen më të varfër, të pasurit më të pasur. Në këtë përfundim mbërrin studimi i ri i OECD-së, Organizatës për Bashkëpunim Ekonomik dhe Zhvillim.

Pabarazia është rritur para së gjithash në Gjermani. Njerëzit me të ardhura të larta fitojnë këtu mesatarisht rreth tetë herë më shumë sesa ata që fitojnë pak. Një arsye për këtë është që sa vjen e më shumë njerëz punojnë në sektorin e pagave të ulëta. Madje edhe atje ata mund të punojnë dhe të fitojnë më pak sesa në të kaluarën.

Monika Queisser, njëra nga autoret e studimit të OECD-së: “Pjesërisht arsyeja ka të bëjë me atë që njerëzit bëjnë më pak orë pune. 20 vjet më parë ata bënin mesatarisht 1.000 orë në vit. Kjo vlerë ka rënë në 900 orë në vit, ndërkohë që ata që fitojnë më mirë punojnë mbi 2.200 orë. Këtu shihet që ka një polarizim më të madh midis të varfërve dhe të pasurve.” /albeu.com/

sepse leku i prish njerzit;kur je i pasur nuk don me ja dit per ate qe tka bo koken e jo me per njerezit qe te rrethojn;cti besh jetojm ne nje bot tmbushur me injoranc edhe me kapitalist te felliqur;eh gjithsesi cdo njeri esht i barabarte(para Allahut para atij merr ate qe merton gjithsecili)