Vaksina e gripit, fëmija fle 19 orë në ditë

Një gjashtëvjeçar është prekur nga narkolepsia, pasi ka marrë vaksinën e gripit. Britaniku Josh Hadfield ka humbur kontrollin e muskujve dhe ka nisur të flejë 19 orë në ditë vetëm tri javë pasi mori vaksinën “Pandemrix”. Ai bie në gjumë pothuajse çdo pesë minuta, edhe kur është duke ecur, ngrënë apo notuar dhe vuan nga katapleksia e papritur kur ai qesh. Djali vuan prej rreth dy vjetësh nga kjo sëmundje dhe nëna e tij akuzon autoritetet se nuk i kryejnë testet e duhura përpara se të lejojnë hyrjen e medikamenteve në treg. “Ngrihem katër herë nga gjumi çdo natë dhe sillem rreth tij, sepse ai ka makthe”, tha e ëma. “Atë e sillnin në shtëpi, sa e herë e zinte gjumi në shkollë, por tani kanë gjetur një zgjidhje tjetër, kanë organizuar një kënd të veçantë për të, ku mund ta lënë kur e zë gjumi”, shtoi ajo. “Pandemrix” mbron kundër virusit H1N1, i cili u shfaq në vitin 2009 me pandemikën e gripit të derrit.

www.panorama.com.al

sa gjynah,ku e paska zen gjumi te shkretin.