Zemrës i bën keq edhe pak edhe tepër gjumë

Personat që flenë më pak se gjashtë orë ose më shumë se shtatë orë në ditë, kanë rrezik më të madh nga problemet me zemër, se sa ata që flenë në mes gjashtë dhe tetë orëve, kanë vërtetuar ekspertët e fakultetit të mjekësisë në Çikago. Edhe disa studime më të vogla të mëhershme kanë treguar ndërvarësinë e gjumit dhe shëndetit të zemrës, por ky mund të konsiderohet si studim përfaqësues për SHBA-në sepse përfshin 3.000 persona nga regjionet e ndryshme të shtetit. Të testuarit ishin amerikanë më të vjetër se 45 vjet, të cilët janë përgjigjur në pyetjen për shprehitë e tyre në gjumë, si dhe për atë nëse ndonjëherë u është thënë që vuajnë nga dëmtimi kongjestiv i zemrës, nëse kanë përjetuar infarkt ose sulm në tru, nëse kanë sëmundjen e artereve koronare ose angina pektoris. Është dëshmuar që personat të cilët kanë raportuar që flenë më pak se gjashtë orë në ditë, kanë rrezik të dyfishtë nga sulmi në tru ose infarkti dhe 1,6 herë rrezik më të lartë nga dobësimi kongjestiv i zemrës në krahasim me ata që flenë gjashtë deri tetë orë. Po ashtu është vërtetuar që të testuarit të cilët kanë deklaruar që mesatarisht flenë më shumë se tetë orë në ditë, kanë rrezik dyfish më të madh nga angina pektoris dhe 1,1 herë rrezik më të madh nga sëmundjet e artereve koronare se sa ata që flenë në mes gjashtë dhe tetë orë.

dashka me mire te qenedrosh zgjuar mesa duket