Edicioni i sivjetshëm i Universitetit Veror Ndërkombëtar të Prishtinës nga 8-20 korrik

Prishtinë, 19 prill - Edicioni i 12-të i Universitetit Veror Ndërkombëtar të Prishtinës (UVNP) 2012, do të mbahet nga 8-20 korrik, në Prishtinë, bëjnë të ditur organizatorët e tij. Ata u kanë bërë ftesë të interesuarve për aplikim, i cili ka filluar më 17 prill dhe do të zgjasë deri më 17 maj.

Në kuadër të UNVP-së do të zhvillohen 22 kurse: Diplomacia publike në Ballkan, Rruga e Kosovës për në BE, Parimet dhe strategjitë për ndihmë humanitare, Metodat kualitative kërkimore në shkencat sociale, Politika e Ballkanit : Nga komunizmi deri te integrimet evropiane, Mësimi akademik dhe zhvillimi personal në kontekst, Globalizimi dhe çështjet gjinore, Shkrimi modern akademik, Efektet sociale dhe gjenetike në procesin e rritjes dhe zhvillimit fizik, Efekti i ndotjes në ekologjinë e ambientit, Kurbat algjebrike, Gazetaria - teknologjitë e reja dhe të vjetra në media masive, Diplomacia dhe komunikimi,

Ndërhyrja dhe shtetndërtimi në botën moderne, Globalizimi dhe ngritja e Kinës, Tregu financiar ndërkombëtar, Menaxhimi i brendeve, Menaxhimi i ndotjes dhe i sigurisë në impiantet energjetike, prodhim industrial, transport dhe industritë e tjera, Metodat moderne laboratorike për vlerësimin dhe kontrollimin e sigurisë së ushqimeve globale, Menaxhimi i rrezikut në cilësinë e zinxhirit ushqimor, Muzika kamertale bashkon njerëzit, dhe Aftësitë e komunikimit për mësimdhënie dhe mësimnxënie të qëndrueshme.

mbehet qejfi,por kam frik me shku ne prishtine