80% e fëmijëve në Shqipëri janë të regjistruar në Facebook

Komisioneri për Mbrojtjen e të Dhënave Personale nëpërmjet një hulumtimi të bërë nëpër shkolla të ndryshme 9-vjeçare në kryeqytet dhe në rrethe ka konstatuar se mbi 80% e fëmijëve janë të regjistruar në ‘Facebook’.

Gjithashtu ata kanë konstatuar se këta fëmijë janë kryesisht nxënës të klasave të pesta apo të gjashta, në një kohë kur dihet që mosha minimale për t’u regjistruar në një rrjet social siç është ‘Facebook’ apo ‘Messenger’ është mbi 13 vjeç.

Një tjetër konstatim ka të bëjë me faktin se këta të mitur disponojnë një numër të konsiderueshëm miqsh, të cilët sigurisht pjesën më të madhe të tyre nuk e njohin fare. Por ajo që është më e rëndësishmja ka të bëjë me faktin se midis të vegjëlve dhe prindërve të tyre ekziston një hendek teknologjik, si nga ana teknike dhe nga ajo kulturore, çka vështirëson komunikimin midis tyre.

Për drejtorin e Drejtorisë së Marrëdhënieve me Publikun pranë Komisionerit për Mbrojtjen e të Dhënave Personale, Igli Pira mbetet shqetësues fakti se pjesa më e madhe e fëmijëve është në gjendje të regjistrohet në autonomi të plotë në një rrjet social apo në shërbimet e çatimit si ‘Messenger’, si dhe të vendosin foto dhe video.

Te vjen gjynah nganjehere per keta femi se kan harruar cfar do thote Liber Ose te luajne me Top ose te jen me te qeshur pran shoqerise thjeshte futen ne facebook msn edhe kalojne kohen duke bere dem vetes .Vall keta femi nuk jan te lumtur apo eshte familja qe nuk ju intereson se cfar ben femija gjate kohes .

eSHT mese e vertete pasi ka nga ata femije(vajzat sidomos)qe fusin foto ekstravagante neper fb siesi qe tu shtohen frencat e tyre;nuk e kuptojn se jan bere manjiake fb-je

te iken truri kur shikon disa femije 3-4 vjec qe kan fb