Hapet në Prishtinë Panairi i Veshjeve Tradicionale dhe Ushqimit

Prishtinë, 21 maj - Kryetari i Prishtinës, Isa Mustafa me bashkëpunëtorë të hënën ka hapur Panairin e Veshjeve Tradicionale dhe Ushqimit, qëllimi i të cilit është rritja e dukshmërisë së produkteve vendore tradicionale të prodhuara nga gratë kryefamiljare, gratë në biznes dhe rrjetet e organizatave të grave të Komunës së Prishtinës.

Me realizimin e këtij panairi do të mundësohet promovimi i produkteve vendore, përfitimi material për gratë kryefamiljare, gratë në biznes dhe rrjetet e organizatave të grave, si dhe krijimi i kontakteve me kalimtar të rastit.

Mustafa me këtë rast tha se qëllimi i jonë është që të afirmojmë prodhimtarin vendore, sidomos atë të grave, e cila po shtohet çdo ditë e me tepër dhe po fiton në përmbajtje, cilësi dhe peshë.

“Konsiderojmë me rendësi të madhe interesimin e qytetarëve dhe bizneseve që produktet e tyre të arrijnë afirmimin e dy vlerave themelore, sic janë artizanatet dhe përdorimi i ushqimeve vendore. Po ashtu ti ndihmojmë prodhuesve që po tregojnë interesim të madh për afirmimin e vlerave në Prishtinë dhe Kosovë”, tha Mustafa

Në Panairin e Veshjeve Tradicionale dhe Ushqimit po marrin pjesë gra nga 10 organizata të ndryshme, e që punën e tyre do ta ekspozojnë për pesë ditë me radhë.

dallohen keta te prishtines per te tilla gjera...