Shkoi t’i lajë këmbët në lumë, gjeti 77 mijë dollarë

Teksas, 15 qershor – I pastrehi Thimoty Jost (46) nga vendi Bastrop në Teksas (SHBA) u nis për t’i larë këmbët në lumin Colorado dhe me atë rast shkeli mbi një thes të lagur. Kur e hapi u step nga habia” brenda thesit gjendeshin 77 000 dollarë (60 000 euro) në bankënota prej 100 dollarëve dhe monedha ari. Për të qenë edhe më e bukur: sipas ligjeve amerikane ai ka të drejtë ta mbajë këtë shumë të hollash.

Kjo ndodhi ka qenë në muajin janar të këtij viti, kurse pas gjetjes së parave ai ka shkuar deri në bankë për t’i zëvendësuar paratë e lagura çull me bankënota të reja.

Punonjësi i bankës pastaj e ka ftuar policinë, ndërsa është hartuar edhe procesverbali, paratë kanë mbetur në bankë, kurse i pastrehi ka marrë çekun në këtë shumë, por me kusht që ai të mos mund të shndërrohet në para deri tashti.

Pasi që askush nuk është paraqitur lidhur me këtë shumë të hollash dhe skadimit të afatit të paraparë ligjor, e tërë shuma i takon atij që e ka gjetur, në këtë rast Jostit.

Mirëpo, e keqja është se këtë pasuri të paimagjinueshme për të ai nuk mund ta gëzojë tashti pasi momentalisht gjendet në burg për arsye të dehjes dhe hyrjes së paautorizuar në pronë të tjetërkujt. /koha/

cfare fati qe kan nje pal njerez....