Sipas Kanunit, familja që vret një femër dëbohet nga fshati

Përpjekjet për pajtimin e familjeve Qukaj dhe Prroni dështuan dy herë





Marie Qukaj – vajza 17 vjece

Vrasja e ndodhur një javë më parë, ku mbeti e vrarë për motive
gjakmarrje 17-vjeçarja Marie Qukaj së bashku me gjyshin e saj, Kolë
Qukaj, më shumë se një krim i dyfishtë duket se ka qenë një vrasje e
paralajmëruar, pasi sipas drejtuesve të Shoqatës së Pajtimit të Gjaqeve
në Shkodër, është tentuar disa herë që dy familjet Prroni dhe Qukaj të
pajtohen, por familja Prroni nuk ka pranuar. Mustafë Daia, përfaqësues i
shoqatës, thotë: “Ne si misionarë kemi tentuar disa herë që dy familjet
në konflikt, Prroni dhe Qukaj, të pajtohen dhe kemi shkuar tek familja
Prroni për të kërkuar që të falin gjakun. Por dy herë që kemi qenë, të
dyja herët nuk kanë pranuar të pajtohen”. Më tej, drejtues të shoqatës
së pajtimit thonë se, nëse do ishte respektuar Kanuni, me krimin që kanë
bërë, duke vrarë një vajzë, familja Prroni do ishte nxjerrë jashtë nga
fshati dhe nuk do të ishte lejuar të jetonte më në Dukagjin. Ajo që
mbetet shqetësuese, sipas drejtuesve të shoqatës së pajtimit, është
fakti se në Shkodër janë të shumta familjet në gjak që nuk po pranojnë
të pajtohen.

e kto qenkan kput mir tpakten ni gjo t'hajrit ka dal nga ky kanun