Troket vjeshta, të enjten stuhi shiu në gjithë vendin

TIRANË-Po
troket vjeshta dhe lajmëtarët janë reshjet e dendura të shiut që priten
këto ditë. Parashikimi i motit në agjencinë e lajmeve në BalkanWeb bën
të ditur se nga dita e enjte në mbarë vendin do të nisin reshje të
dendura shiu në formë shtrëngatash, ndërsa temperaturat pritet të
zbresin me nga 5-6 gradë Celsius.

Për shkak të presionit të ulët
atmosferik nga veriu në jug vendi do të laget nga reshjet e shiut që
pritet të zgjasin disa ditë.

Ndërkohë njoftohet se reshje shiut
kanë nisur në zonat juglindore gjatë ditës së sotme, kurse nga dita e
enjte pritet që në gjithë vendin të mbizotërojë mot i lagësht me stuhi
shiu dhe temperatura të freskëta.

(d.b/BalkanWeb)