FIFA shtyen vendimin për Kosovën për në dhjetor

Organi më i lartë i futbollit, FIFA ka shtyrë marrjen e vendimit për modalitetet se si do t’i zhvillojë ndeshjet miqësore përfaqësueseja e Kosovës në futboll.

Më 14 dhjetor në Tokio të Japonisë, Komiteti Ekzekutiv i FIFA-s do të diskutojë për këtë çështje dhe do të marrë një vendim.

Në maj të këtij viti FIFA mori vendim që t’i lejojë përfaqësueses së Kosovës në futboll që të zhvillojë ndeshje ndërkombëtare miqësore me ato shtete që e kanë njohur pavarësinë e saj.

Përveç përfaqësueses, ndeshje ndërkombëtare miqësore do të mund të zhvillojnë edhe skuadrat nga Kosova të ligave të ndryshme me skuadrat e shteteve që e njohin pavarësinë e Kosovës.

Ky vendim i FIFA-s ishte vlerësuar në Kosovë si akti i parafundit para pranimit të plotë të Federatës së Futbollit të Kosovës në këtë organizëm.

Po ashtu, vendimi hap dyert për futbollin kosovar dhe kjo është një mundësi e mirë që të dilet nga izolimi në të cilin ndodhet.

Javën e kaluar, lojtarët më në zë të kombëtares shqiptare të futbollit, të kryesuar nga kapiteni Lorik Cana, i shkruajtën një letër presidentit të FIFA-s, Sepp Blater, duke i kërkuar përfshirjen e Kosovës në evenimentet ndërkombëtare sportive.

Ishalla e fitojn naj ndeshje e kta...