Domatet mbrojnë nga sëmundjet vdekjeprurëse

Domatet mbrojnë nga sëmundjet vdekjeprurëse

Kaliforni - Ngrënia e domateve zvogëlon rrezikun nga kanceri, osteoporoza dhe sëmundjet kardiovaskulare, për shkak të antioksidantit të fuqishëm, likopenit, i cili u jep ngjyrën e kuqe, zbulon një hulumtim i ri.
Kjo perime e lëngshme është burim i madh i antioksidantëve, dhe për ndryshim nga perimet e tjera është edhe më shumë efektive në mbrojtjen e trupit nga sëmundjet nëse është e zier, ka konstatuar hulumtimi amerikan.
Pikërisht likopeni, antioksidanti më i fortë nga grupi i karotenoideve ia jep ngjyrën dhe është përbërësi më i shëndetshëm i domates. Përbërësit ushqyes në të qetësojnë proceset inflamatore dhe ndalojnë formimin e mpiksjeve të gjakut dhe zvogëlojnë rrezikun e formimit të kancerit të prostatës, osteoporozes dhe sëmundjeve të zemrës.

“Ngrënia e domateve është mënyrë efektive e përmirësimit dhe ruajtjes së shëndetit të mirë”, ka deklaruar Britt Burton-Freeman, udhëheqësi i hulumtimit, i cili është publikuar në revistën “American Journal of Lifestyle Medicine”.
Antioksidanti nga domatja, glikopeni, është kampion absolut në ruajtjen e prostatës.