Eliminimi i Barcës mund ta dëmtojë kombëtaren e Spanjës

Eliminimi i Barcës mund ta dëmtojë kombëtaren e Spanjës

Trajneri i Spanjës, Vicente del Bosque, shpreson që Barcelona ta përmbysë disavantazhin prej dy golash në përballjen kthyese të 1/8 së finales të Ligës së Kampionëve ndaj Milanit.
Katalunasit u mposhtën me rezultat 2-0 në San Siro, ndërsa të martën mbrëma zhvillojnë ndeshjen kthyese në Camp Nou.

“Do të jetë një ndeshje shumë e rëndësishme për Barcelonën dhe Spanjën. Rezultati i ndeshjes së Barcelonës mund të ndikojë në moralin e ekipit kombëtar”.

“Do të ishte paksa problematike nëse Barca humb, sepse lojtarët do të jenë paksa kokëvarur”, ka deklaruar Del Bosque për Efe.