NASA paralajmeron stuhi diellore, Toka ne erresire per 2 vite

NASA paralajmeron stuhi diellore, Toka ne erresire per 2 vite

ARTIKUJ TE TJERE

• 
  NASA paralajmeron stuhi diellore, Toka ne erresire per 2 vite »
  
  Nje stuhi diellore rrezikon ta lere Token ne terr per 2 vjet,...
  
• 
  Australi, aty ku kafene e paguani me puthje? »
  
  Per muajin qershor, prej ores 09:00 ? 11:00 eshte e mundur...
  
• 
  Qilimi 34 milione dollare »
  
  Nje qilim persian i shekullit XVII u shit per shumen...
  

"Një stuhi diellore rrezikon ta lërë Tokën në terr për 2 vjet, jo vetëm Shtetet e Bashkuara, por edhe të gjithë pjesën tjetër të vendeve evropiane dhe vendeve aziatike". Alarmi vjen nga Administratori i Përgjithshëm i NASA-s, Charles Bolden, bëjnë të ditur mediat amerikane. Ai thotë se “një stuhi e tillë e fuqishme diellore mund të jetë shkatërruese në Tokë, ashtu si dhe intensifikimi i fenomeneve atmosferike të tilla si tornadot dhe katastrofat natyrore në përgjithësi.

“Në këtë pikë, - vijon z.Bolden, - unë mendoj se ka ardhur koha që të marrim masa të forta parandaluese për t'u marrë me këtë lloj fenomeni”. Kjo deklaratë është bërë publikisht nga administratori i NASA-s Charles Bolden gjatë një forumi diskutimi mbi ngjarjet ekstreme që shkaktohen nga hapësira.

“Një stuhi e fuqishme diellore në fakt, do të jetë në gjendje të lërë në errësirë gjithë Shtetet e Bashkuara të Amerikës për një ose dy vjet në errësirë, duke shkaktuar dëme të mëdha për popullsinë. Impiantet e trajtimit të ujërave të zeza, centralet bërthamore, satelitët dhe strukturat e tjera duhet të jenë të mbrojtura absolutisht nga ky lloj fenomeni”, - ka thënë Bolden.

Tani, një tjetër mesazh shumë i rëndësishëm është drejtuar për të gjithë dhe jo vetëm për Shtetet e Bashkuara, por edhe për vendet europiane ku ndodhen infrastruktura më të rrezikuara në këtë drejtim. Nga ana tjetër, pritet të ngrihet një komision i Organizatës së Kombeve të Bashkuara për rrezikun dhe kontrollin e fenomeneve të hapësirës.

"Duke punuar së bashku, mund të shpëtojmë jetën e shumë njerëzve”, - ka deklaruar dr. Bolden

Toka zhytet në errësirë për shkak të ngrohjes globale

Për shkrirjen e akujve të Arktikut dhe reduktimin e sasisë së dritës diellore në “planetin blu” është fajtore vetë Toka. Në këtë përfundim kanë arritur shkencëtarët nga SHBA-ja.
Ekspertët, siç njoftohet, kanë analizuar të dhënat e fotove të bëra nga satelitët. Është gjetur se gjatë disa viteve të fundit planeti ynë po e humbet me shpejtësi albedo (aftësinë për të reflektuar dritën).
Kur në Arktik shkrijnë akujt, uji ose dheu reflekton më pak dhe thith më shumë ngrohtësi. Përveç kësaj, ajri arktik nuk transferon ngrohtësinë nga sipërfaqja në shtresat e sipërme të atmosferës.