Çaji jeshil rrit kujtesën

nga **An0nim** Sat 13 Jul 2013 - 21:40

Çaji jeshil rrit vëmendjen dhe përmirëson kujtesën. Ky është përfundimi i një grupi studiuesish të Universitetit të Bazelit në Zvicër.

Në studim u përfshinë 12 persona, që të gjithë meshkuj. Ata u ndanë në dy grupe, njëri që konsumoi caj jeshil dhe tjetri që konsumoi dicka tjetër. Në grupin e parë aktiviteti i trurit ishte konstant, ndërsa në grupin e dytë u vu re një aktivizim më i shpejtë dhe më efikas i pjesës së materies gri, përgjegjëse për vëmendjen dhe kujtesën.

Studiuesit zviceranë thanë se polinefolet që përbëhët ky caj zgjerojnë enët e gjakut dhe ndihmojnë në një furnizim më të mirë të trurit me gjak dhe oksigjen. Kjo rrit përqendrimin, vëmendjen dhe kujtesën.

Por përvec kësaj, ky lloj caji njihet edhe për vetitë qetësuese. Kjo sipas këtyre studiuesve i faturohet përbërësve të tij që parandalojnë efektet negative të neuro-transmetuesve.

/Top Channel

nga **Anakonda** Mon 15 Jul 2013 - 19:09

Çaji jeshil ka shumë efekte pozitive në organizëm, nëse duam t’i kushtojmë vëmendje të qenit mirë nga ana shëndetësore si në aspektin fizik, edh enë atë mendor. Ndikimet pozitive të çajit jeshil njihen që nga antikiteti dhe kryesisht kanë qenë popujt orientalë ata që ia kanë njohur vlerën që herët kësaj bime. Nuk duhet harruar se çaji jeshil është i pasur me shumë substanca të dobishme për trupin tonë si polifenolet, katekinat dhe teinat, të cilat kanë efekte antioksiduese. Ja disa nga “mrekullitë” e çajit jeshil.

Ngadalësimi i plakjes
Antioksidantët e pranishme në çajin jeshil veprojnë kundër radikaleve të lira, duke luftuar plakjen e qelizave dhe duke kryer funksione antidegjenerative dhe antikancerogjene. Vetitë antioksiduese të çajit jeshil vijnë falë katekinës, substanca që përbën nga 20 deri në 40 të peshës së thatë. Antioksidantët mbrojnë arteriet dhe indet, duke ngadalësuar plakjen.

Humbja e peshës
Çaji jeshil njihet për vetitë dobësuese. Substancat që e bëjnë të mundur këtë janë metilksantinat.ato favorizojnë lëvizjen e yndyrnave dhe rrisin metabolizmin. Këto substanca kanë edhe efekt diuretik, ulin oreksin e ndjenjën e urisë dhe luftojnë celulitin.

Ulja e nivelit të sheqerit dhe kolesterolit
Çaji jeshil ul nivelin e sheqerit në gjak dhe ndikon pozitivisht në parandalimin e diabetit. Katekinat janë përgjegjëse për uljen e nivelit të kolesterolit.

Kuron sëmundjet e lëkurës

Çaji jeshil është një aleat shumë i mirë kundër plagëve në lëkurë dhe sëmundjeve, duke stimuluar fuqishëm rigjenerimin e epidermës.

Lufton viruset
Katekinat luftojnë viruset, në veçanti ato të gripit. Çaji jeshil mund të përdoret edhe për të shoqëruar kurat kundër sëmundjeve alergjike. Në disa raste, është i rekomandueshëm edhe kundër dhimbjes së kokës, kryesisht në rastet kur ajo shoqërohet me sindromën premenstruale.
Lufton rënien e flokut
Çaji jeshil ndihmon për të luftuar rënien e flokut. Ai ka në përbërje flavonoide, vitamina dhe oligoelementë të cilët janë ndër armët më efektive në luftën kudër rënies së flokut. Efektet pozitive janë të dukshme si në rastin e konsumimit të çajit jeshil, edhe nëse lëngu aplikohet direkt në rrënjën e flokut.

Efektet negative
Kujdes me sasitë e çajit jeshil. Teina nuk i bën mirë sistemit nervor nëse konsumohen sasi të mëdha çaji. Masa e këshillueshme është poshtë katër litrave në javë. Gjithashtu, mjekët këshillojnë që të bëhet kujdes me konsumin edhe gjatë shtatzënisë.

nga **Thjeshtësia** Thu 18 Jul 2013 - 6:22

Mbase vetem tek meshkujt rrit kujtesen se tek une nuk shoh ndonje permiresim

Sa per tjerat jam dakord, ka me te vertete shume efekte pozitive..

nga Sponsored content

Çaji jeshil rrit kujtesën

Çaji jeshil rrit kujtesën

Re: Çaji jeshil rrit kujtesën

Re: Çaji jeshil rrit kujtesën

Re: Çaji jeshil rrit kujtesën