Trimfuesja e Festivalit të 52-të në RTSH, kurorëzohet këngëtarja Hersi Matmuja

nga **WebMaster** Fri 10 Jan 2014 - 2:50

Përfundojnë ethet, emocionet, mbyllen dritat e natës finale e Festivalit të 52-të të Këngës në Radio Televizionin Shqiptar. Fituese e këtij festivali, sipas vlerësimit të jurisë u kurorëzua kënga me titull “Zemërimi i një nate” e këngëtares së re, Hersi Matmuja. Këngëtarja pas vlerësimit me çmimin e parë u shpreh shumë e emocionuar dhe e vlerësuar në të njëjtën kohë. Kënga është kompozuar dhe orkestruar nga Genti Lako, ndërsa teksti i këngës është shkruar nga Jorgo Papingji. Këngëtarja do të përfaqësojë Shqipërinë në Festivalin Evropian të këngës, ku ne marrim pjesë për të 11-ën herë. Në edicionin e fundit të Eurovizionit, Shqipëria u prezantua me këngën “Identitet” të kënduar nga Bledar Sejko dhe Adrian Lulgjuraj, por nuk arriti të hyjë në finale. Festivali Evropian i Këngës, këtë vit zhvillohet në Kopenhagë, në datat 6, 8 dhe 11 maj 2014. Në vendin e dytë në këtë festival u rendit Klodian Kaçani me këngën "Me ty".

Ndërsa në vendim e tretë u rendit këngëtari Saimir Braho me këngën me titull "Grua. Në Festivalin e 52-të në RTSH konkurronin 16 këngë. Juria zgjodhi 16 këngë për në netët live nga 44 materiale të paraqitura nga këngëtarët. Drejtori artistik i këtij festivali ishte kompozitori Edmond Zhulali, ndërsa banda muzikore, u drejtua nga kompozitori dhe orkestruesi, Alfred Kaçinari. Festivali u zhvillua live, që nga formacioni i harqeve, banda muzikore, si dhe shoqëruesit e këngëtarëve. Kjo ngjarje e muzikës shqiptare, u mbajt gjatë tri netëve radhazi, në Pallatin e Kongreseve. Juria e festivalit përbëhej nga 7 emra të njohur të muzikës dhe fjalës si: Agim Krajka, Aleksander Lalo, Hajg Zaharian, Petrit Malaj, Xhevahir Spahiu, Eriona Rushiti dhe Bojken La- ko. Ndërsa prezantuesit e këtij festivali ishin gazetari Enkel Demi, i cili gjatë dy netëve të para u shoqërua nga modelet Marinela Meta dhe Xhesika Berberi, ndërsa natën finale e prezantoi me aktoren Klea Huta.

Marinela dhe Xhesika vinin për herë të parë në një skenë të madhe si ajo e festivalit edhe pse me shumë eksperienca në fushën e modelingut. Nga ana tjetër, për Klean nuk ishte kjo eksperienca e parë. Ajo sapo ka përfunduar xhirimet e serialit “Millenium”, i cili do të shfaqet së shpejti në ekranin e TVSH-së, ku luan rolin e protagonistes. Të tria vajzat e kanë pritur me emocion ftesën që ju është bërë nga organizatorët për të drejtuar festivalin dhe e kanë kaluar me sukses këtë provë. Të ftuar specialë të kësaj nate ashtu siç u paralajmërua nga vetë autorët e këtij festivali, ishin fituesja e Eurosong 2013, danezja Emmelie Charlotte- Victoria de Forest, dhe Elhaida Dani fituese e “The Voice of Italy”. Në sallën e Pallatit të Kongreseve ndër të tjera, u vu re dhe pjesëmarrja e kreut të delegacionit të Bashkimit Evropian në Shqipëri, Ettore Sequi.

Konkurentët

1. Natë e parë Këngëtar: Venera Lumani & Lindi Islami

2. Jam larg Këngëtar: Besiana Mehmedi & Shkodran Tolaj

3. Vetëm për ty Këngëtar: Edmond Mancaku & Entela Zhula

4. Grua Këngëtar: Sajmir Braho

5. Me Ty Këngëtar: Klodian Kacani

6. Kthehu Këngëtar: Luiz Ejlli

7. Ti mungon Këngëtar: Marjeta Billo

8. Zemërim i një nate Këngëtar: Hersi Matmuja

9. Në zemër Këngëtar: Rezarta Smaja

10. Mjegulla Këngëtar: Renis Gjoka

11. Kur qielli qan Këngëtar: Xhejn & Enxhi Kumrija

12. Ëndrrat janë ëndrra Këngëtar: Xhejsi Jorgaqi

13. Princesha Këngëtar: Grupi LYNX

14. Mikja ime Këngëtar: Blerina Braka

15. Një ditë shprese Këngëtar: Frederik Ndoci

16. Jeta në orën 4 Këngëtar: Orges Toçe

Shekulli

nga **Anakonda** Wed 12 Feb 2014 - 3:26

sme duket si targ e njohur

Trimfuesja e Festivalit të 52-të në RTSH, kurorëzohet këngëtarja Hersi Matmuja

Trimfuesja e Festivalit të 52-të në RTSH, kurorëzohet këngëtarja Hersi Matmuja

Re: Trimfuesja e Festivalit të 52-të në RTSH, kurorëzohet këngëtarja Hersi Matmuja