Botafago synon ta kthejë Ronaldinhon në vendlindje

Skuadra e elitës së futbollit brazilian, Botafago është duke përgatitur një mega-ofertë për të transferuar yllin e Milanit Ronaldinhon, shkroi "Globoesporte" të shtunën. Botafago stinorin e fundit e përfundoi në pozitën e 15-të. Skuadra braziliane e ka ndërmend të investojë para për të sjellë yje dhe në krye të listës së tyre është Ronaldinho. Me ofertën është i kënaqur edhe vëllai i Ronaldinhos Robert Assis.
"Vëllai i Ronaldinhos, Roberto Assis, që është edhe menaxher i tij, është ndarë shumë i kënaqur për një ofertë të tillë. Kjo nuk është vetëm spekulim. Kjo është ofertë serioze, që së shpejti do të bëhet publike. Kjo është ofertë mjaft e majme dhe serioze", ka thënë një burim i afërt me lojtarin për gazetën braziliane.
Ronaldinho së fundi pati luajtur në kampionatin brazilian në stinorin 2000/2001. Më pas u largua në Paris SG, ndërsa nga skuadra franceze u transferua në Barcelonë, ku gëzoi periudhën më të mirë si futbollist, duke u shpallur edhe futbollisti më i mirë i botës. Ai në verën e vitit 2008 kaloi në Milan, ku tani është një nga shtyllat kyçe të kësaj skuadre.
Botafago po mundohet të vazhdojë trendin e skuadrave braziliane që po rikthejnë yjet në vendlindje. Më herët në vendlindje u kthyen yjet si Ronaldo (Corinthians), Adriano (Flamengo) e Vagner Love (Palmeiras).