Kupa e Afrikës do të luhet pavarësish sulmit ndaj Togos

Luanda, 9 janar - Organizatorët e Kupës së Afrikës për Kombe thonë se turneu do të luhet, pavarësisht sulmit mbi ekipin e futbollit të Togos në vendin pritës Angolë.
“Prioriteti ynë i parë është siguria e lojtarëve, por turneu do të luhet”, deklaroi zëdhënësi i Konfederatës Afrikane të Futbollit (CAF).
Shoferi i autobusit të ekipit është vrarë dhe të paktën dy lojtarë janë plagosur kur u qëllua mbi ta me armë zjarri të premten.
Separatistët e enklavës Cabinda thonë se e kanë kryer sulmin.
CAF thotë se Federata e Futbollit të Togos ka dështuar t’i informojë se ekipi po udhëtonte në një zonë të pasigurt.
Lojtarët togolezë do të vendosin të shtunën nëse do të luajnë në turne.