Ademi: BDI-ja nuk frikësohet nga zgjedhjet e parakohshme

“Bashkimi Demokratik për Integrim (BDI) nuk frikësohet nga zgjedhjet e parakohshme. Por, tani mendoj se ato do ta dëmtonin procesin e integrimit të Maqedonisë në BE dhe NATO”, tha sekretari i përgjithshëm i BDI-së, Abdylaqim Ademi.
BDI planifikon takime më intensive me organin e vet votues, simpatizuesit dhe qytetarët e Maqedonisë për t’i dëgjuar mendimet dhe problemet e tyre dhe të vazhdojnë me ndërtimin e strategjisë së përbashkët.
Takimet me qytetarët i paralajmërojnë për çdo të shtunë prej orës 11 deri në ora 14 në ndërtesat komunale ose selitë partiake. Në to do të prezantojnë ministrat, zëvendës-ministrat, drejtorët dhe personat tjerë udhëheqës të cilët do t’i njoftojnë qytetarët me gjendjet në vend dhe do të mbledhin mendime.
Në pyetjen e gazetarëve për vendimin qeveritar për mësimin e gjuhës maqedonase prej klasës së parë nga nxënësit shqiptarë dhe për marrëdhëniet ndëretnike në shtet, Ademi me përgjigje të shkurtë se lidhur me gjuhën mbeten në pozicionin e njëjtë nga i mëparshmi dhe se incidentet e fundit janë të izoluara, dhe se ata në takimet me qytetarët do të punojnë për përmirësimin e gjendjeve ndëretnike.
Ai apeloi që partitë politike të mos i shfrytëzojnë këto incidente për pikë politike.