Trafikonin drogë, 26 të arrestuar në Itali, disa shqiptarë

nga Vizitor Mon 15 Feb 2010 - 5:42

Një aksion blic i antidrogës në Milano të hënën herët në mëngjes ka ekzekutuar 26 urdhër arrestimesh, mes të cilëve edhe personave me kombësi shqiptare. Gjatë aksionit u sekuestruan në cilësinë e provës materiale 7 kilogramë heroinë, 7 kg kokainë dhe 6 kg marihuanë.
Pa zbardhur mirë dita në Milano nën akuzën e trafikimit ndërkombëtar të lëndëve narkotike në pranga kanë rënë 26 persona të shteteve të huaja, njoftoi policia italiane.
Dyshohet se personat kryenin linjën e drogës Itali-Hollandë e anasjelltas. Në veçanti, banda krijonte një substancë të quajtur "Speedball Milan" ku heroina përzihej me kokainë dhe amfetamina.
Gjatë aksionit u sekuestruan në cilësinë e provës materiale 7 kilogramë heroinë, 7 kg kokainë dhe 6 kg marihuanë.
Të arrestuarit janë italianë, shqiptarë, marokenë dhe francezë, por nuk janë bërë ende të ditur emrat për arsye hetimesh.