Partia e Agim Çekut nuk i bashkohen asnjë tjetre

nga Li12i-GG ARMY Fri 26 Feb 2010 - 5:19

Prishtinë, 26 shkurt - Kryetari i Partisë Socialdemokrate të Kosovës, Agim Çeku, ka përgënjeshtruar pohimet për gjoja kalimin e tij dhe shkrirjen e partisë së tij në ndonjë subjekt tjetër politik. Në një konferencë për media Çeku ka thënë se socialdemokratët do të vazhdojnë programin e tyre pa u shkrirë në ndonjë parti tjetër. Çeku pranon se janë zhvilluar biseda për bashkimin e PSD së me partinë ORA, por kjo e fundit ka vendosur t'i bashkohet një subjekti tjetër duke e vlerësuar si jo parimor këtë bashkim. "Unë dua të bëj shumë të qartë se as unë dhe as PSD ja nuk do të bashkohen me asnjë parti tjetër dhe nuk do të shkrihet PSD ja në një parti tjetër, ndonëse ka pas oferta dhe përpjekje të tilla nga partitë e tjera. Siç po e bëj të qartë para jush ua kam bërë të qartë të gjithëve që kanë pasë ide të tilla", nënvizoi Çeku, i cili bëri të ditur se të gjithë kryetarët e partive të mëdha i kanë bërë oferta për bashkim, por përgjigjja e socialdemokratëve ka qenë negative, tha ai. Çeku vlerëson si gjë jo të mirë bashkimin e ORA së me LDK në, duke thënë se nuk ka qenë një zgjidhje parimore