Peshkopi ofron shpëtim përmes Facebook-ut

Londër, 27 shkurt – Peshkopi britanik Robert Evens i ka ofruar besimtarëve një mënyrë krejtësisht të re për t’iu falur mëkatet e tyre, shpëtimin virtual përmes rrjetit social Facebook, shkruan “Telegraph”.
Peshkopi i Devonit, Evans i bëri thirrje të gjithë besimtarëve përmes Facebook-ut të paraqiten në lutjen e qetë dyorëshe, e cila do të organizohet çdo ditë nga ora 11.30 deri në 13.30.
“Lutja është shumë e rëndësishme për të gjithë besimtarët, pavarësisht nëse shkojnë në kishë apo jo. Dëshiroj të inkurajoj njerëzit të luten çdo ditë”, shpjegoi peshkopi Evans.
Ai vlerësoi se lutja do të jetë e arritshme për miliona njerëz, të cilët çdo ditë përdorin rrjetin e njohur social. Ai, siç theksoi, do të lexojë lutje për besimtarët, të cilët i dërgojnë kërkesë përmes profilit të tij në Facebook apo përmes e-mailit. Deri tani janë paraqitur më shumë se 60 persona, shkruan gazeta britanike “Telegraph”.