Shkatërrohet një bandë italo-shqiptare e drogës

nga Vizitor Tue 2 Mar 2010 - 2:35

Shkatërrohet një bandë shqiptaro-italiane që merrej me trafik droge në Itali. Agjencitë e lajmeve italiane referuar njoftimeve te policisë bëjnë të ditur se një operacion i madh antidroge është zhvilluar në Peruxhia ku policia ka mundur të arrestoje 27 persona, nga 34 urdhër arreste që kishte dhënë prokuroria.
Operacioni antidrogë u krye nga policia e Folinjos. Personat e ndaluar akuzohen për posedim dhe shpërndarje droge te tipit kokainë. Banda, sipas policisë, ishte e përberë nga shqiptarë dhe italianë.

Ky operacion ndodh në kohën kur sapo është botuar raporti i Departamentit Amerikan të Shtetit për drogat, ku Shqipëria ashtu si vite më parë mbetet vend transit për kalimin e drogave drejt Evropës.