PD: Dëmshpërblim të përmbyturve, Edvin Kriza mori përgjigjen në 28 qershor

TIRANE – “Kryetari i Partisë Socialiste e mori përgjigjen nga qytetarët në zgjedhjet e 28 qershorit, qeveria do ti dëmshpërblejë plotësisht qytetarët e dëmtuar nga përmbytjet në veri të vendit”.
Kështu është shprehur zëdhënësja e Partisë Demokratike Erla Mëhilli në një reagim mbi deklaratat e bëra sot nga kreu i opozitës Edi Rama i cili akuzoi qeverinë se nuk ka dëmshpërblyer banorët e dëmtuar nga përmbytjet në Shkodër dhe në Lezhë.
“Edvin Kristaq Kriza, apo siç quhet rëndom nëpër kafene nga vartësit e tij, Edin 2K, tha dje se qeveria nuk do të dëmshpërblejë të përmbyturit në Shkodër dhe në Sheqeras, se qeveria nuk ka lekë për të paguar rrogat dhe pensionet dhe jo më të paguajë dëmet e përmbytjeve. Partia Demokratike, i kujton Edvin Kristaq Krizës, apo kryetar 2K-së se alternativa e shpifjeve dhe e mashtrimit mori përgjigjen e merituar më 28 qershor”, tha zëdhënësja e Partisë Demokratike Erla Mëhilli.
Ajo deklaroi se qeveria me përgjegjësi të plotë do të dëmshpërblejë qytetarët për të gjitha dëmet që u janë shkaktuar nga përmbytjet.
“Rama foli sërish për krizë, ditën me diell kur qytetarët e Tiranës dhe Elbasanit si dhe të gjithë vendit, festojnë me gëzim Ditën e Verës, ai foli për një krizë e cila nuk ekzistoin asgjëkundi tjetër veçse në mendjen e tij”, tha zëdhënësja e PD-së.