Të Vërtetat e Fshehura

Marr nga: ExplorerUnivers
Autori: Exploreri & estilen

Misteri i fshatit me 440 binjake

Një ekip mjekësh indianë janë duke u përpjekur për të zgjidhur misterin e fshatit Kodinhi, në Kerala të Indisë, ku ka 440 binjakë të lindur nga dy mijë familje.

Ekspertët e udhëhequr nga dr.Krishnan Sribiju kanë udhëtuar për në fshatin e largët tropikal, por pa gjetur për momentin shpjegimin e bumit të binjakëve, të paktën gjashtë herë më shumë se mesatarja kombëtare.

Vetëm në 2008, në këtë fshat janë lindur 15 çifte binjakësh.
Gjatë pesë viteve të fundit, janë lindur 60 çifte binjakësh, një shifër që rritet nga viti në vit.

Për më tepër, konsiderohet se ka njëmospërputhje në mes të regjistrimit të lindjeve dhe numrit aktual,gje qe con ne idene se numri i binjakeve mund te jete ende me i larte nga ai i raportuari.

Fijet e hekurit në barkun e gruas

Në gjoksin edhe barkun e një gruaje ... rriten fije metalike, hekuri



Xhakarta, 18 prill. Një mësuese indoneziane 40-vjeçare quhet Noorsyaidah, siç duket nga fotoja, në barkun dhe gjoksin e saj rrit fije metalike.

Fijet metalike deri në 20 cm të gjatë, që rriten në gjoks, më pas i bien si flokët.

Kur ato bien, fillojnë të rriten përsëri në lëkurë dhe japin dhembje.

Janë fije të vërteta prej hekuri, posaçërisht çeliku.

Mjekët e spitalit Sirafuddin në Indonezi, nuk mund ta shpjegojnë këtë rast, që është i pari i dokumentuar në botë, duke mos qenë në gjendje as të zbulojnë shkaqet e mundshme të sëmundjes.

Fillimi i kësaj sëmundje të çuditshme për gruan indoneziane ka nisur në vitin 1991 dhe nuk është gjetur ende një kurë.

Kirurgët në Indonezi ndërkaq, janë në pritje të ndonjë sponsori që të paguajë kurimin e saj në Shtetet e Bashkuara.

11 vjecari i plakur si nje 60 vjecar...!


Harry Crouther

Një djalë anglez 11-vjeçar, është i vetmi person në botë të cilit i është diagnostikuar një sëmundje e rrallë gjenetike, e cila i shkakton një plakje 5 herë më të shpejtë se njerëzit e moshës së tij.

Rasti i Harry Crouther, është i paparë dhe ai tashmë vuan nga një formë artriti të avancuar, duke e bërë të vuajë nga reumatizma si të jetë 60 vjeç.

Sindromi i tij është identifikuar si një variant i Progerias, një kusht që shkakton plakjen e parakohshme.

Forma ekstreme e saj ka shkaktuar atë që Harry Crouther, ka bërë një përparim të moshës së tij me shpejtësi tronditëse, aq sa në moshën 11-vjeçare ai ngjan sikur është mbi 50 vjeç.

Që nga mosha 7-vjeçare ai merr ilaçe katër herë në ditë për të luftuar artritin, por lëkura e tij ka filluar të bëhet si ajo e njerëzve të një moshe të caktuar dhe eshtrat e tij po dobësohen dhe po prishen.

Prindërit e tij, Sharon dhe Xhon, thanë se ata janë të vetëdijshëm se jeta e djalit të tyre do të jetë e shkurtër dhe prandaj përpiqen të gëzojnë atë aq sa munden.

Macja mund kompjuterin 100 me 0



Truri i maces mund kompjuterin 100 me 0

Macja ka mundur kompjuterin 100 me 0 dhe kjo kur bëhet fjalë për përpunimin e informacionit.

Këtë lajm e kanë afirmuar vetë studiuesit të cilët ishin nga universiteti i Miçigan.

Kështu duke u bazuar në këtë fakt një grup kërkimtarësh janë duke u përpjekur për të ndërtuar një gjeneratë të re të mikroçipeve e cila do të bazohet pikërisht në familjen e felinëve dhe gjithashtu mund të jetë një shtysë për ndërtimin e kompjuterëve në të ardhmen.

Qëllimi i këtij projekti është ndërtimi i kompjuterëve ashtu siç ka krijuar vetë natyra trurin e gjallesave.

Piktura e Leninit me Hitlerin


Piktura e dyshimte e Leninit dhe e Hitlerit

Është një pikturë e cila i përket vitit 1909 dhe në përmbajtje të saj është Hitleri dhe Lenini duke luajtur në një lojë shahu.

Tashmë ajo,për të gjithë të interesuarit, do të jetë në një ankand i cili do të zhvillohet Shropshire, të Britanisë së Madhe.

Kjo pikturë e cila shihni dhe në foto, është zbuluar vetëm një vit më parë dhe e krijuar nga mësuesja e artit të Hitlerit, Emma Lowenstramm.

Sipas shumë personave është pak e besueshme dhe kjo bazuar në pikëpamjen historike.

Këto dyshime lindin pasi në atë periudhë të dy liderët respektivë kanë qenë në Vjenë dhe gjithashtu në një pamje të saj vihet re se Hitleri është tepër i vjetër ndërsa Lenini është me flokë........
ndodh dhe keshtu..?

Meditimi, me stimulues se kafeja..!




Për të stimuluar mendjen dhe promovimin e përqendrimit, nuk është vetëm kafeja një mënyrë e duhur, por një studim i ri tregon se një gjë të tillë mund ta realizojë edhe meditimi, madje edhe më mirë se kafeja.

Sipas këtij studimi, të menduarit e shkurtër gjatë pauzës së punës ju ndihmon të çlodheni dhe të mbroheni nga efektet negative të mbidozës së kafeinës.

Bëhet fjalë për një ekip të studiuesve në Universitetin e North Carolina në SHBA, i cili zbuloi se një meditim i shkurtër nxit veprimtarinë njohëse, që nënkupton se mendimet, arsyetimin, kujtesën dhe të punës intelektuale.

Shkencëtarët e SHBA kanë testuar 63 vullnetarë të rekrutuar nga nxënësit e shkollës të cilët iu nënshtruan testimit të praktikimit të meditimit.

Çfarë studiuesit gjetën të habitshme është fakti se ka pasur rezultate shumë të mira, pas vetëm katër ditësh të të menduarit, e cila kurrë nuk ka qenë e testuar me studime të tjera.

“Ky studim tregon se mendja është në fakt shumë e paqëndrueshme dhe ndikohet lehtë, sidomos nga të menduarit", pohon studiuesi Fadel Zeidan.

5 dite midis krokodileve

Është një mrekulli rasti i Nadia Bloom, një vajze 11-vjeçare në Florida e cila ka shpëtuar vetëm disa dite më parë.



Nadia kishte qenë në një moçal të banuar me krokodilë. Për pesë ditë rresht ajo zhduket.

Në një vend aq të rrezikshëm, kane humbur shpresën pothuajse të gjithë profesionistët që ishin në kërkim të saj, duke besuar se zvarranikët tashmë e kishin vrarë dhe ngrënë.

Por Nadia,e cila vuan nga një formë e butë e autizmit, ka arritur të mbijetojë dhe është shtruar tani në spital.

Vajza kishte dalë vetëm për një shëtitje, por pas disa qindra metrash nuk ishte më në gjendje për të gjetur rrugën e shtëpisë.

Biçikleta e saj u gjet në mes të pyjeve jo shumë larg kënetës.

Skelet 2 milion vjecar i nje femije !



Një fëmijë që ka jetuar rreth 2 milionë vjet më parë mund të ndihmojë shkencëtarët të zbulojnë rrugën e evoluimit të njeriut.

Bëhet fjalë për një skelet të fosilizuar, i cili është gjetur në Malapa Sterkfontein të Afrikës së Jugut, zonë që cilësohet si djepi i njerëzimit nga profesori Lee Berger i Universitetit te Johanseburgut.

Shkencëtarët janë duke parë të gjitha detajet e trupit të tij, për të parë ndryshimet që ekzistojnë me skeletin e sotëm të trupit njerëzor.

Diamanti i rralle...!



Një diamant i rrallë blu është shitur për 6.4 milionë dollarë në një ankand të organizuar nga Sotheby's në Hong Kong.

Çmimi nuk e tejkalon rekordin e vendosur në ankandin e vitit 2009, por sipas ekspertëve, shënohet gjithsesi një ndryshim në treg për gurët e çmuar, i cili në dy vitet e fundit i ka ngadalësuar hapat për shkak të krizës financiare ndërkombëtare.

Ky gur i çmuar u ble nga tregtarja Alisa Moussaief, 80-vjeçare nga Londra, e cila ishte e kënaqur me çmimin që e kishte paguar gurin e çmuar, për të cilin tha se është më pak se në treg.

Diamanti blu i vlerësuar nga Sotheby mes 4.6-5.8 milion dollarë, ka patur një çmim për të cilin organizatorët e ankandit thanë se e kishin mbajtur qëllimisht të ulët.

"Kur kemi vendosur së bashku ankandin, ne e kemi konsideruar me kujdes faktin se ekonomia atje nuk mund të jetë shëruar plotësisht, kështu që ne kemi qenë shumë të kujdesshëm me vlerësimin dhe klientët kanë reaguar shumë mirë", pohojnë ata.

Nje specie e re hardhuce



Ishte folur dhe më parë për të ku ishte bërë e ditur vendndodhje e cila ishte në malet Sierra Madre, në Filipine por, ekzistenca e saj ende nuk ishte zyrtarizuar.

Tashmë gjithçka është bërë e ditur nga “Royal Society” dhe bëhet fjalë për një hardhucë gjigante e cila është e gjatë rreth 2 metër dhe ka një të veçantë pasi zotëron dy organe gjenitale mashkullore.

Kjo kafshë jeton në vendet më sekrete të pyllit të Filipineve dhe karakterizohet nga një lëkurë e ashpër me njolla të arta dhe jeshile.

Edhe pse është tepë e vështirë të gjejë habitatin e saj të preferuar ajo sipas shkencëtarëve ka arritur të mbijetojë duke vazhduar llojin e tyre.

Të gjithë banuesit e asaj zone e deklarojnë këtë specie gjithmonë si një pre për kafshët e tjera.

Meshkujt e këtij lloji zotërojnë dy organe gjenitalë, një karakteristikë që e zotërojnë dhe zvarranikë të tjerë, duke përmendur këtu disa lloje gjarpërinjsh të cilët përdorin alternativa të ndryshme në fazën e çiftëzimit.

Akoma nuk është bërë e mundur të bëhet përcaktimi se sa ekzemplarë të këtij lloji kanë mbetur në ditët e sotme dhe kjo gjë konfirmohet nga vetë shkencëtarët.

Gjithashtu kërkimtarët janë mjaft të habitur dhe njëkohësit të entuziazmuar për arsyen se si kjo specie vazhdon akoma të ekzistojë.

Zbulohet ''lidhja e humbur'' midis njeriut dhe majmunit



Afrikë e Jugut, 6 prill. Është zbuluar “lidhja e humbur" në mes të njerëzve dhe majmunëve e cila mund të rievolucionojë të kuptuarit se si njerëzit mund të kenë evoluar.

Shkencëtarët, në fakt, besojnë se kanë gjetur skeletin e një fëmije që ka jetuar dy milionë vjet më parë në Afrikën e Jugut, skelet i cili do të shfaqet për herë të parë të enjten më datë 8 prill 2010.

Skeleti i gjetur është një qenie krejtësisht e re e që është në një fazë të ndërmjetme në mes të të parëve të majmunëve dhe njeriut modern.

Kjo, sipas shkencëtarëve, mund të ndihmojë për të thyer një nga misteret e mëdha të pemës gjeologjike.

Ndërsa shumica e fosileve të gjetur deri tani janë pak a shumë të shpërndara: fragmente të eshtrave dhe të dhëmbëve, zbulimi i fundit është një skelet pothuajse i plotë.

Eshtra u gjetën në shpellën Malapa Sterkfontein Malapa në Afrikën e Jugut nga profesori Lee Berger i Universitetit të Witwatersrand në Johanesburg.

Profesor Phillip Tobias, një antropolog, thotë se zbulimi është '''i mrekullueshme dhe emocionues”, citon “Daily Mail”.



Zbulimi, së bashku me një numër të fosilesh të tjera të gjetura deri tani, mund të ndihmojë shkencëtarët mund të sjellë të reja evolucionare; të kuptojnë se si paraardhësit tanë kanë evoluar nga Australopithecus (Homo habilis), i gjetur në Afrikën rreth 3.9 milionë vjet më parë, një ndër qeniet e para njerëzore rreth 2.5 milionë vjet më parë.

Skeleti besohet të jetë midis evolucionit të këtyre dy llojeve.

Ai përfshin një legen dhe të tërë gjymtyrët mund të zbulojnë nëse ky lloj i sapo zbuluar ecte në dy këmbë ose mbi të katër këmbët.

Kockat e duarve mund të sigurojnë çelësin për të kuptuar se kur qeniet njerëzore kanë mësuar aftësinë të mbajnë veglat e para prej guri.

Dr. Simon Underdown, një ekspert në evolucionin e llojeve në Oxford Brookes University (Angli), u shpreh: "Ky zbulim mund të shtojë njohuritë tona për të parët tanë”.

Skeleti është vizituar dhe nga presidenti i vendit Jacop Zuma.

Vogëlushi 14-muajsh më i gjatë se nëna


Amanda me djalin e saj

28 prill,Hinkleyl. - Ajo është nëna më e vogël në Britaninë e Madhe, 93 cm e lartë. Djali i saj Aidan, vetëm 14 muajsh, është tashmë më shtatlartë se ajo.

Amanda Moore, 25-vjeçe jeton në Hinkley, pranë Coventry e vuan nga një çrregullim i rrallë që pengon rritjen fizike që nga foshnjëria.

Lindur me 14 eshtra të dëmtuara, Amanda dha dorëheqjen për të mos pasur fëmijë, pasi mjekët i kishin thënë se do të ishte shumë e rrezikshme për shkak të trupit të saj pak a shumë të vogël.

Por, pasi zbuloi se ajo është shtatzënë, 25-vjeçarja ka refuzuar abortin dhe ka lindur Aidanin. Ndryshe nga Amanda, burri i saj Steven Fyfe, 20-vjeçar, është 1.85 m dhe prej tij Aidan ndoshta ka trashëguar gjatësinë.

"Aidan po rritet shume shpejt, - ka cituar Amanda për revistën “Sun”, - e dija se do të bëhet më i gjatë se unë, por kurrë nuk e kisha menduar kaq shpejt. Ai është vetëm 14 muajsh"

Kisha Ortodokse: Shën Mëria ka qarë, ja dëshmia



Ikona që besohet se rrodhi lot

Një ikonë që përshkruan Shën Mërinë në një kishë ortodokse në Milano, ka qarë gjatë një shërbimi në kishë të dielën e kaluar. Lajmi konfirmohet nga mitropoliti i kishës Ortodokse të Milanos, Euloghios.

Fenomeni në kishën “Shën Nikolla” në rrugën “San Gregorio” të Milanos, sipas dëshmive të mbledhura u shikua nga dhjetëra besimtarë të cilët ishin të pranishëm atë ditë.

”Gjithkush e ka parë dhe prekur lëngun që rrodhi me tepri nga sytë e Shën Mërisë, - thotë Claudia, 25 vjeçe duke treguar ikonën që dhe ju shihni në foto dhe vijon:

“Unë vetë e kam prekur ikonën dhe kam ndier lëngun që ngjiste pak dhe ishte i parfumuar. Dhe në atë moment nuk ka pasur lule apo qirinj në kishë, vetëm dyllë të lëngët i cili është pa erë. Megjithatë qau aq shumë sa që janë lagur të gjitha mobiliet e drurit që ishin nën të”.

Sipas priftërinjve dhe besimtarëve të këtij komuniteti ka qarë dhe Jezusi fëmijë dhe një tjetër ikonë e Virgjëreshës e cila është ndodhej afër së parës.

Goditet nga makina, varroset, macja kthehet pas 9 muajsh në shtëpi



Thuhet se kanë shtatë jetë, në traditën anglo-saksone ka edhe nëntë. Duket e pabesueshme, ngjarja që ka ndodhur në Manchester (Angli). Alfie,

ky maçok që shihni në foto pasi u godit nga një makinë, dukej i vdekur, ose më mirë, kishte vdekur për pronarin Angelo Petrillo 39 vjeç, i cili, pikëlluar nga humbja, i kishte bërë varrimin e duhur.

Ndërkohë, disa javë më pas ndërron shtëpi dhe blen një mace të njëjtin lloj me emrin Fraddie.
Goditet nga makina, varroset, macja kthehet pas 9 muajsh në shtëpi

Nëntë muaj pas humbjes, ish fqinji i Angel dhe Brandon (djali i tij) u telefonoi atyre për t'i dhënë një lajm të çuditshëm. Alfie nuk kishte vdekur, por ishte i gjallë dhe vjen rrotull shtëpisë së vjetër.

Edhe pse mjaft i çuditur Petrillo shkon në shtëpinë e tij të vjetër, ku ish fqinji i tha se macja ka ngelur jashtë shtëpisë gjithë natën, duke mjaullitur.

“Unë u përgjigja duke i thënë se Alfie kishte vdekur dhe për këtë arsye duhet të ketë një gabim. Por pastaj ai më tha se maçoku kishte tentuar të hynte në mënyrë të përsëritur në shtëpi përmes dritares së dhomës së gjumit, ashtu siç bënte Alfie”, citon Angel për “Manchester Evening News” .

Vetëm kur e pa atë Petrillo nuk kishte më asnjë dyshim. Duket një histori e pabesueshme, sepse pronari ishte i sigurt qe e kishte varrosur macen e tij dhe nuk arrin të shpjegojë se si kjo mund të ketë ndodhë.

Familja Petrillo ka vendosur të vërë mikroprocesorë në të dyja macet e tyre, Alfie dhe Freddie, në mënyrë që të shmangë gabime në të ardhmen të këtij lloji.

Njeriu me 31 gishterinje



Ka tridhjetë gishta, gjashtëmbëdhjetë në këmbë dhe pesëmbëdhjetë në duar, një fëmijë kinez i lindur me këtë cen, i cili shkaktohet nga një sëmundje që quhet “polydactyly”.

Kjo është një anomali e lindur, në të cilën gishtat e duarve dhe këmbët e individëve të prekur janë të tepërt nga struktura normale.

Li i vogël është vetëm gjashtë vjet dhe së shpejti do të operohet.

Kirurgët, përmes një veprim shumë të komplikuar, janë duke u përpjekur për ta sjellë në “normalitet".

"Miqtë e mi më trajtojnë në mënyra të ndryshme në shkollë. Më thërrasin përbindësh e më godasin", - thotë djali, i cili po pret t’i nënshtrohet operacionit.

Shfaqja e Shën Mërisë në Bosnje, nis hetimi nga Vatikani

Vatikani do të krijojë gjate muajit prill te ketij viti, një komitet të veçantë për të hetuar, atë që njihet si shfaqja e Shën Mërisë në Bosnje-Hercegovinë.



Bëhet fjalë për një histori besimi të përzierë me thashetheme dhe paragjykime që ka nisur në vitin 1981.

Për herë të parë dëshmitarët, besimtar dhe jo besimtar, kanë deklaruar se kanë parë në qershor 1981, shfaqen e Shën Mërisë në një kishë në Bosnjë. Më pas i njëjti fenomen është parë dhe nga gjashtë fëmijët.

Mediat rajonale shkruajnë se komisioni hetimor ndërkombëtar i kryesuar nga Kardinali italian, Camillo Ruini, do të hetojnë në lidhje me raportimet që janë bërë për këtë rast.

Ngjarja mendohet se ndodh në periudha të veçanta në kishën Medjugorje në Bosnjën jugore. Sipas dëshmive, shihet një imazh i Shën Mërisë sikur noton në një re.

Hetimi i Vatikanit do të jap dhe përfundimin nëse kemi të bëjmë me halucinacione dhe fantazi të besimtarëve, ose vërtetësinë e ndonjë shenje hyjnore në rajonin e Ballkanit.

Zbulohen kafshë mister nën akull

Atje ku nuk pritej është gjendur jetesë, ku dhe vetë NASA është e habitur nga ky fakt pasi në akujt e Antarktidës në një thellësi prej 180 metrash është gjendur një krijesë shumë e vogël.

NASA këtë herë ndryshe nga thellësitë e oqeaneve na ka çuar në ato të akujve ku pikërisht në 180 metra thellësi të akujve në detin Ross.

Atje shkencëtarë të shumtë ishin në kërkime të tyre ku kishin gjatë kësaj kohe dhe mikro kamera të shumta dhe me anë të tyre filmuan dhe krijesën e vogël e cila ishte në një habitat tepër të vështirë për të jetuar sipas tyre.

“Po kërkonim në një vend ku asnjëherë nuk prisnin të gjenim jetë, por diçka e pabesueshme ka ndodhur pasi gjallesa lëvizte dhe mund të themi se bën pjesë në familjen e kërmijve”, - deklaroi Robert Bindschadler, i cili është një kërkimtar i NASA.

Ai ishte i gjatë rreth shtatë centimetër dhe u shqetësua nga shkencëtarët në qetësinë e tij që kishte gjetur në këto akullnaja.


https://www.youtube.com/watch?v=awi-RrKjaeA&feature=player_embedded

Zbulim shokues, gjarperi 17 m i gjate

Një zbulim vërtet shokues është cilësuar ai i gjetjes së një gjarpri të gjatë 17 metra në Kinë. Ka qenë një ekip i punëtorëve kinezë, të angazhuar gjatë gërmimeve në Gupiing, një qytet që gjendet në provincën Jiangxi, të cilët me buldozerët e tyre kanë zgjuar pa dashje dy gjarpërinj boa, të cilët ishin duke fjetur në “bodrumin” e një druri.


Gjarpërinjtë e gjetur

Një nga dy zvarraniket doli në fluturim, duke iu hedhur punëtorëve dhe duke shfaqur tek ta një panik total, ndërsa i dyti u plagos për vdekje nga ekskavatori.

Sipas asaj që tregohet në mediat kineze, gjarpri i vrarë peshonte plot 300 kilogramë dhe fshihte poshtë tij 17 këmbë.

Qeveria e ka komentuar këtë histori si një shaka, pasi sipas autoriteteve, boa ka vdekur që në vitin 1938, kështu që argumenti është i mbyllur dhe askush nuk mund të ketë parë dy boa ende të gjallë.

Rikthehet në jetë... pas 4 mijë vjetësh

“Inuk” rivjen virtualisht në jetën që kishte jetuar 4 000 vjet më parë.Quhet “Inuk” dhe momentalisht ai është virtualisht “rikthyer në jetë”.

Bëhet fjalë për një burrë i cili kishte jetuar në vitet 2000 para lindjes së Krishtit dhe jetonte në Groenland.

Nëpërmjet një fosili të tij është bërë i mundur ndërtimi i tërë gjenomës së tij ku janë përcaktuar ngjyra e flokëve e cila ishte gështenjë, mesa duket ka qenë një person me ngjyrë, bënte pjesë në grupin A + të gjakut dhe jetonte në Siberi.

Të gjitha këto të dhëna të tij u gjendën vetëm nga një fije floku e cila u përdor për të kthyer virtualisht në jetë parahistorikun nga Groenlanda.

Rekord, mban në gojë plot 18 shpata

Rekord, mban në gojë plot 18 shpata Ka hyrë në librin Guinness dhe bëhet fjalë për një shtetas australian i cili ka futur në gojë 18 shpata. Chayne Hultgren, 31 vjeç në performancën e tij të cilën e realizoj në Sidney arriti të bënte këtë gjë të pabesueshme me 18 shpata të cilat ishin të gjata rreth 72 centimetër.



Duket se për australianin nuk është hera e parë që merret me një aktivitete të tillë pasi në vitin 2008 ai ka bërë të njëjtën gjë por jo me atë numër shpatash pasi atëherë ai arriti të performonte vetëm me 17 të tilla.

Në një intervistë të dhënë për mediat vendase ai është shprehur se kishte që në moshën 16 vjeçare që stërvitej për të

Njeriu i pare pa seks te percaktuar


Norrie May-Welby

Një skocez i cili prej vitesh jeton në Sidney të Australisë është personi i parë në botë të cilit qeveria vendase nuk i ka përcaktuar dot seksin.

Norrie May-Welby, 48 vjeç, shkruan shtypi britanik ka lindur mashkull por, në vitet 90 ai ndryshoi seksin e tij duke kaluar në atë femëror.

Në këtë pikë qeveria e lokalitetit ku ai jeton nuk i ka përcaktuar dot atij seksin përkatës dhe kështu ai është personi i parë në botë që zotëron një gjë të tillë dhe është klasifikuar si neutral.

Shpirterat e dy fantazmave te mbyllura ne shishe,gati per shitje


Avie Woodbury tregon shishen me shpirtrat e dy fantazmave

Një lajm i pazakontë ka tronditur publikun në Zelandën e Re ne mesin e muajit mars te ketij viti. Dy shishe qelqi që përmbajnë shpirtrat e të vdekurve janë shitur në ankand në Zelandën e Re për 1.450 euro.

"Fantazmat" që i përkasin një burri dhe një vajze, janë ofruar për shitje në ankand online në faqen e internetit TradeMe nga Avie Woodbury, një grua që banon në Christchurch.

Ajo pretendon se i ka kapur fantazmat në shtëpinë e saj me ndihmën e një ekzorcisti, i cili i ka futur ato në shishe duke i mbyllur me tapa të lagur me ujë të shenjtë, një pajisje që shërben ''për të larguar energjinë e tyre".

''Shpirtrat, sipas saj,të mbyllura në shishe janë në gjumë, por në qoftë se pronari i ri do të mund të zgjojë duke e derdhur përmbajtjen e shishes në një shtëpi. Në këtë mënyrë fantazmat do të rifitojnë energjinë dhe do të lëvizin në shtëpinë e re", - ka deklaruar Avie Woodbury.

Gruaja ka vendosur të heqë qafe "dy mysafirët" sepse ishte e lodhur duke jetuar me ta.

"Ajo thotë se shpirtrat i takojnë një burri të moshuar i cili ka jetuar në atë shtëpi në vitet 1920 dhe të një vajze "shumë inatçie. Pas ekzorcizmit (largimi i shpirtit të keq) në korrik, në shtëpi nuk ka më aktivitet të keq në shtëpi, siguroi ajo", citon një zyrtar i ankandit.

Ankandi tërhoqi më shumë se 214 mijë vizitorë, si dhe dhjetëra kërkesa për sqarim, para caktimit të ofertës më të lartë, i cili kërkoi të mbetet anonim.

"Të ardhurat e shitjes do të shkojnë në ndihmë të shoqatës për mbrojtjen e kafshëve" tha Avie Woodbury.

Qeni me besnik i botes



Ka përshkuar plot 600 kilometra për t'u kthyer tek i zoti i tij një qen i cili ishte i racës Pastor Tedesk i cili quhet Rocky.

Ai mori një çmim në komunën e Carrarës në Itali, ku iu vu një shirit blu në të cilin shkruhej "Për mikun më të mirë të njeriut".

Rocky ishte vjedhur nga nomadët në vitin 2007 dhe ndodhej në Carrara. Më pas ai mundi të largohej nga atje duke përshkuar plot 600 kilometër për t'u kthyer tek i zoti i cili jetonte në Salerno dhe quhet Ibrahim Fual.

Mesuesi im eshte Alien



A ekzistojnë alienët? Sipas një sondazhi të kryer nga Tëentieth Century Fox, 1 në 1000 fëmijë të moshës 5 deri 16 vjeç, kanë dyshime. Sipas tyre, të huajt jo vetëm ekzistojnë, por tashmë sipas tyre janë mes nesh.

Shumë prej fëmijëve edhe pse nuk mund të argumentojnë pretendimet e tyre me prova të besueshme, janë të bindur se alienët kanë filluar të pushtojnë planetin tonë shumë kohë më parë. Ku janë ata? Në shumicën dërrmuese gjenden në institucionet shkollore.

"Ky profesor është tamam një alien". Rreth 75% e nxënësve janë të bindur se të paktën një nga mësuesit e tyre, ka qenë objekt i një qenie inteligjente aliene, i pushtuar prej tyre.

Pushtimi është plotësisht paqësor. 72% e të pyeturve besonin se krijesat nga hapësirat e jashtme janë krejtësisht paqësore, edhe pse askush nuk duket se ka asnjë ide se pse ata erdhën në botën tonë.

Rezultati i sondazhit nuk e ka habitur Laverne Antrobus, psikolog për fëmijë dhe prezantues televiziv.

"Fëmijët, - tha eksperti - kanë një imagjinatë të gjallë dhe shpesh trillojnë gjëra që ne të rriturve na duken absurde".

Injoranca, është arma që alienët përdorin kundër njerëzimit.

Hulumtimi ka lejuar të shihet fillimisht shih ne çfarë niveli është përgatitja e nxënësve të anketuar. Mbi 90% e të anketuarve të moshës gjashtëmbëdhjetë vjeç nuk dinë emrat e planetëve që përbëjnë sistemit tonë diellor.

"Është faji i mësuesve alienë, të prirur për të bërë më progresivisht injorantë që të marrin në mënyrë të lehtë kontrollin e botës tonë", ka shtuar psikologu.

I vdekuri shkon ne varrimin e tij



Të gjithë besuan se ai kishte vdekur gjatë një aksidenti, por ai rezulton të jetë shumë mirë dhe madje është shfaqur në funeralin e tij kur të tërë po e qanin.

Ngjarja ka ndodhur në familjen e Ademir Jorge Gonçalves, një murator 59-vjeçar në Â Brazil.

Ka qenë Ritrovarselo, i cili kundronte për së gjalli ceremoninë mortore të zhvilluar në kishë për personin e tij e më pas, kur të tërë po hidhnin dhe mbi arkivolin e tij.

E gjithë ngjarja ka nisur që prej një nate kur Gonçalves ishte me shokët për një mbrëmje argëtuese të shfrenuar.

Pasi kaloi shumë orë me ta dhe duke pirë një sasi të papërcaktuar, i gjithë grupi është Â ndarë për t'u kthyer në shtëpinë e vet, por jo ndërtuesi.

Ndërsa ecte rrugës i ndodhi një aksident, i cili e futi në një gjendje gjumi të thellë, e të gjithë kujtuan se ai vdiq.

Ndërsa në arkivol gjendej një person tjetër i shpërfytyruar nga aksidenti, të cilin e morën për atë, ai përfitoi nga rasti të shkonte në kishë ndërsa kryhej riti mortor e t'u komunikonte të tijëve se ishte i gjallë.

Mishi i pjekur, ndotesi i ambjentit



Një fakt të tillë e pohojnë shkencëtarët amerikanë, Robert Goodland dhe Jeff Anhang, bashkë-autorë të studimit "Blegtoria dhe ndryshimi i Klimës", i publikuar në edicionin e fundit të revistës "Uatch".

Sipas tij, mbi gjysma e gazit me efekt sere, është e prodhuar nga  bujqësia industriale e blegtorale.

Tashmë në dosjen "Long Shadoë 2006" të FAO-s, thuhet sesi prodhimi i mishit është shkaku i 18% të shkarkimeve totale të gazeve serë për shkak të veprimtarive njerëzore, një proporcion i ngjashëm me atë të lëshimit që kryen gjithë industria e transportit.

Por sipas sondazheve të fundit të kryera nga Goodland dhe Anhang, në ajër lëshohen më shumë se 32.6 miliardë tonë dioksid karboni në vit, ose 51% të emisioneve GES prodhohen çdo vit rreth globit.

Mishi cilësohet si një nga përgjegjësit e kësaj sasie, duke lëshaur në ajër një sasi të konsiderueshme të gazeve që shkaktojnë efektin serë atmosferik - dioksid karboni (CO2), metanit, oksid i azotuar etj.

Arsyeja? Për prodhimin e 225 gram patate, lëshohen CO2 ekuivalent me atë të krijuar nga ngarja e një makine për 300 metra.

Për pulën, shumë më tepër: 1,17 kilometra, 4.1 kilometra për derri, viçi për 15,8 kilometra.

Në këtë mënyrë, shtojnë studiuesit, duhet treguar kujdes me prodhimin dhe gatimin e mishit, pasi ai mund të shkatërrojë globin tonë në të ardhmen.

Vela (Jahti) diellor

Ky do te jete jahti fluturues, qe do te leshohet me 18 maj 2010 nga Qendra hapsinore Tanegashima e Japonise.

Mbasi do te dali ne hapesire nga nje rakete, do te katapultohet me nje shpejtesi 20 here me te madhe se raketes dhe do te marri rrugen drejt Planetit Venus, nepermjet energjise diellore.

Ka krahe 14 m te gjere me nje trashesi te habiteshme,sa nje qime floku njerzore.

Energjia e saj eshte nje energji hibride por kryesisht baze do te jete energjia diellore.

Yuichi Tsuda, një nga specialistët e përfshirë në projekt, thote se vela diellore do te jet teknologjia e së ardhmes, dielli është motori i vetëm.

Për sa kohë do të ketë një Diell,pra energjite tillë ne hapsire,aq me shume prespektiva do të ofrohen.

"Bin Laden është gjallë, ndodhet në Afganistan"



Ish truproja e Osama bin Laden, Naser Al-Bahri thotë se ish shefi i tij i dikurshëm është ende gjallë dhe se me siguri ndodhet në Afganistan.

"Jam i bindur se ai akoma është gjallë. Madje edhe vdekja e tij menjëherë nuk konfirmohet, në qarqet e Xhihadit shpejt do të dihej dhe kjo nuk do të mbetej sekret i gjatë. Ai me siguri është në Afganistan... Atje me siguri ka mbrojtje nga fisi i vet", tha Al-Bahri në intervistën për gazetën vjeneze "Standard",me 24 prill 2010

Al-Bahri nga viti 1996 deri në vitin 2000 ishte truprojë e Bin Ladenit, ndërsa para dhjetë vjetësh e ka braktisur Al Kaedën dhe u bë "informuesi i parë i CIA-s" nga rrethi më i ngushtë i kësaj organizate terroriste.

Ai thekson se Al Kaedan e ka braktisur për shkak të "mospajtimeve" pasi që nuk do të mundte të durojë që në sulmet e organizatës vdesin persona të pafajshëm. Al-Bahri thekson se ka qenë truprojë personale e Bin Ladenit, kompetent për gardën e tij.

Në lidhje me sulmin terrorist mbi Qendrën botërore tregtare në Nju-Jork në vitin 2001, Al-Bahri thotë se atëherë ka dëgjuar se po afron një sulm i madh, por se vetëm një rreth i vogël i njerëzve në rrethin më të ngushtë të Bin Ladenit, ka qenë i njoftuar me detajet.

Meksikë, zbulohet qyteti 1000 vjecar

Prill 2010



Arkeologët amerikanë të Colorado State University dhe Christopher Fisher kanë zbuluar një sit të ri arkeologjik në Amerikën Qëndrore që mendohet se ka qënë edhe një nga vendet më të civilizuara të kohës.

Bëhet fjalë për qytetin Purepecha që ndodhet në shtetin meksikan të Micoacanit. Zbulimi do publikohet i saktë gjatë konventës së përvitshme të Shoqatës Amerikane të Arkeologjisë. Purepecha ka qenë një qendër urbane që u popullua më vitin 1000 pas Krishtit dhe u boshatis në vitin 1500.

Shtëpi të vogla, tempuj madje edhe piramida tregojnë qarte se bëhet fjalë për nje qytetërim që kontrollonte pjesën më të madhe të Meksikës perëndimore.

Ky qytet ka mbajtur rreth 40 mijë persona dhe sipas shkëncëtarëve, përfaqëson një dëshmi të rrallë të organizimit të jetës sociale. Purepecha pati një rol vendimtar pas rënies përfundimtare të mbretërisë Azteke që banonte në kufijtë e saj.

Ngrenesi me i cuditshem...



Një britanik në shoun e popullarizuar “Britain’s Got Talent” u paraqit vërtetë me një art të pazakontë.

Ky 47-vjeçar kapërdinë sende, ndërsa ato mund t’i kthejë sipas dëshirës së publikut me rend.

Stevie Starr, i ashtuquajtur “The Regurgitator” u paraqit me një pikë
vërtetë të rrezikshme të cilën nuk duhet ta provoni assesi në shtëpinë tuaj.

Ky burrë kapërdinë objekte të mëdha i kthen prapë sipas radhës, varësisht prej kërkesës së publikut.

Zbulohet peshku jashtetoksore



Banorët e fshatit Daluo në Kinë, zbuluan në një liqe të një shpelle, një kilometër nën sipërfaqe të tokës, një peshk me pamje jashtëtokësori.

Ekspertët nuk mundën të vërtetojnë se çfarë lloj peshku është ai i zbuluar në shpellën e fshatit Daluo, në rajonin Bama të provincës Guangxi, në jug të Kinës.

Peshku ka formën e buzëve të sqepit të zogjve buzë të kuqe dhe “mustaqe” të holla. Sytë e peshkut janë shumë afër buzëve.

Njëri nga udhëheqësit e fshatit Li Zuneng tha se popullsia lokale ka dëgjuar prej pleqve për peshkun e çuditshëm, por kjo është menduar vetëm si trillim, pasi askush prej gjeneratave të reja nuk e ka parë këtë gjallesë.

Mirëpo, në thellësi të shpellës, e njohur me emrin “Fu Jang Dong” ose “Shpella e fatit”, janë kapur disa specie të këtij peshku.

Mostrat janë dërguar për hulumtim në rajonin Bama të institutit Guansi, por askush prej ekspertëve nuk e dinte se për çfarë lloji peshku bëhet fjalë.

Uji nga ky liqen thuhet se zgjat jetën pasi në këtë rajon ka një numër të madh të njerëzve që kanë jetuar më shumë se 100 vjet.

Qyteti enciklopedik i 127 gjuheve



Reading në Angli është qyteti në të cilin fliten 127 gjuhë të ndryshme të botës, nga ato afrikane, armene, uzbeke, katër lloje të gjuhësh kineze, e deri tek ajo angleze.
Me një popullatë prej 233.000 banorësh, Reading ka më shumë gjuhë se cilido qytet tjetër në botë.

Bastioni i imigrantëve të cilët flasin pak apo aspak gjuhën angleze u krijon shumë probleme punëtorëve në shkollat e këtij qyteti.

Madje është menduar se problemi është edhe më i madh kur hulumtimi i autoriteteve të qytetit ka zbuluar se në shkollat lokale fliten 150 gjuhë të ndryshme.

Megjithatë, disa prej imigrantëve kanë përdorur emra të ndryshëm për gjuhët e njëjta, prandaj keniasit e kanë quajtur gjuhën e tyre kikuyu apo gikuyu. Përderisa edhe punjabi e panjabi janë emra të ndryshëm për gjuhët e njëjta të cilat fliten në Pakistan e Indi.

Këshilli i qytetit ka kërkuar para shtesë nga qeveria për programin e emëruar “Anglisht për ata të cilët flasin gjuhë tjera”.

Autoritetet vlerësojnë se kjo është situatë e pazakontë dhe brengosëse, sepse kjo nënkupton se imigrantët nuk janë integruar si duhet në shoqërinë britanike dhe se nuk u është mundësuar të mësojnë gjuhën angleze.

Shfaqet fantazme e Michael Jacksonit



Fantazma e Jackson shfaqet mbi makinë Një punëtor krahu është mahnitur kur ka zbuluar imazhin e “fantazmës” së Michael Jackson mbi makinën e tij – vetëm 13 orë pas vdekjes se tij.

Babai i dy fëmijëve, Gary Sloggett (43) ka bërë disa fotografi mbi Roverin e tij për revistën që shet makina me 26 qershor.

Por kur ai ka shkarkuar fotot në kompjuterin e tij ka qenë i shokuar kur e ka parë Mbretin e Popit – i cili kishte vdekur një ditë përpara nga sulmi në zemër.

Gary nga Stafford ka thënë dje: “Kjo është diçka e pazakonshme. Është e kuptueshme ndonjë shpjegim për atë që shihet apo vetëm ka pasur ndonjë reflektim. Por, kur kam treguar fotografitë tek shumë njerëz ata kanë thënë: Ky është Jacko dhe është fantazma e tij”.

“Të jem i qartë jam paksa skeptik dhe nuk jam adhuruesi më i madh i Michael Jackson, por si e kam parë fotografinë e tij në kompjuter kam filluar të mendoj. Nuk po them se jam i prekur nga një lloj prezence e tij, por kjo është e pazakonshme. Jam shumë i mahnitur nga kjo”, ka thënë ai.
Gary, i cili është i martuar me Moira (41) dhe ka dy fëmijë të quajtur Amy (13) dhe Thomas (11) ka shtuar: “Nuk i kam shkarkuar fotografitë për disa orë por kur i kam bërë këtë ka qenë ora 10 paradite një ditën pasi kishte vdekur Michael Jackson.

“Kur i pashë fotografitë menjëherë jam kthyer kah gruaja e ime dhe i kam thënë: ‘Çfarë po bën Michael Jackson në makinën time’? Nëse e shikoni fotografinë shumë herë duket se ajo ec me erën”.

Njeriu misterioz qe jeton me ajer



Të jetosh vetëm me ajër është një mënyrë të thëni? Jo, sepse këtë e vërteton rasti i indianit 82 vjecar Prahlad Jani, i cili mbijeton pa buke dhe pa ujë.

Personi në fjalë është vënë në qëndër të studimeve të mjekëve nga “Defence Institute of Physiologist and Allied Science” pasi falë joga-s ai qëndron pa ngrënë dhe pa pirë. Edhe në vitin 2003 një grup shkencëtarësh nisën studimin e trupit të tij por nuk ia dolën mbanë të zbardhnin misterin e pazakontë.

Për momentin askush nuk di të thotë si reziston organizmi i tij pa ushqim, madje gjendja e tij fizike është e mirë. Jani ka lindur në fshatin Gujarat dhe ai thotë se ka marrë këtë fuqi të vecantë gjatë moshës 8 vjecare.

Gjeli ndërroi gjininë



Shkencëtarët po vëzhgojnë gjelin i cili ndërroi gjininë pasi që dhelpra ishte futur në kotecin e tij dhe i kishte mbytur të gjitha pulat. Gjeli Gianni pasi mbeti vetëm filloi të bëjë vezë dhe të kujdesej për to.

Gianni e filloi “karrierën” e tij si gjel me gjak të pastër në një fermë të Toskanës, por pas sulmit traumatik të dhelprës në kotec, ndryshoi edhe fati i tij.

Filloi të bëjë vezë dhe të beje klloçkën, për të përmirësuar popullimin e pulave. Shkencëtarët nga organizata e OKB-së për femra dhe bujqësi po analizojnë ADN-në e tij për të mësuar se çfarë e shtyu gjelin ta bëjë këtë ndryshim.

“Ndoshta është gjeni i mbijetesës i cili paraqitet tek disa specie primitive. Pa asnjë femër përreth të ardhmen mund ta sigurojë vetëm nëse bëhet femër”, thonë shkencëtarët.

Zbulohet barka e Noas ?



Ky eshte mali Ararat ne Turqi ku mendohet te jene gjetur mbeturinat e Arkes se Noes.

Grupi i arkeologëve kinezë dhe turq njoftuan të hënën e kesaj jave, se me siguri kanë gjetur barkën e Noas në majën katërmijë metra të lartë të malit Ararat në Turqi, njofton agjencia e lajmeve AFP.

Shkencëtarët thanë se janë gjetur mbetjet e drurit dhe pas testimit me karbon është vërtetuar se mbetjet e arkës janë të vjetra rreth 4.800 vjet që përputhet me kohën e Përmbytjes së Madhe në Tokë.

Sipas Biblës në kohën e Përmbytjes së Madhe Zoti urdhëroi Noan të ndërtojë një barkë në të cilën do të fuste nga dy kafshë të secilit lloj.

Thuhet se pas vërshimit uji u tërhoq, ndërsa barka u fundos. Shumica besojnë se ajo u ndal mu në malin Ararat për arsye se ajo është pika më e lartë në atë rajon.

Ne qiell mendohet se ka nje fantazme



Ndodhet nje fantazme rreth nje prej vrimave te zeza. Astronomet amerikane e kane quajtur “fantazme kozmike” fenomenin e cuditshem ne qiell, pasi e pikasen permes satelitit Chandra te NASA-s.

Fantazma ka mbetur e dukshme pasi rrezatimet e shperthyera nga vrima e zeze u zhduken.

Ndaj kjo pamje, mendohet te jete nje erozion i pafuqishem i prodhuar nga vrima e zeze duke ofruar mundesine per shkencetaret qe te studiojne se cfare ka ndodhur shume kohe me pare, kur universi ishte ende i ri.

Fantazma ka formen e nje cigareje te gjate pak me shume se dy milione vite drite larg.

Ngjyra e saj eshte e kalter dhe emri qe ka marre eshte HDF 130. Ajo ndodhet rreth 10 miliarde vite drite larg Tokes dhe origjina e saj mund te jete tre miliardevite pas Big Bang.

Flet i porsa linduri !!??



Ngjarja e çuditshme ka ndodhur në qytetin Norilsk të Rusisë, ku një foshnjë djalë nisi të flasë disa minuta pasi kishte lindur. Sipas lajmit që bëhet i ditur nga faqja “pravda.ru”, thuhet se foshnja fliste fjalë në dijeni të plotë.

Gazetari thotë se ishin çuditur jashtë mase kur kishin parë vetë aftësitë përtej të zakonshmes të fëmijës me emrin Stetan. Sapo kishte lindur, fëmija kishte thënë “baba”, e pas disa minutash “nënë”. Kur një ditë më pas, e ëma, Liza, i thotë të birit “do vijë babi”, Stepan tha: Babai? Kush?

Psikologja-gjinekologe Marina Papanova që ishte e pranishme gjatë lindjes së Stepanit, deklaroi se e kishte dëgjuar fëmijën të fliste me veshët e saj. “Punoj qyshprej vitit 1986 në këtë maternitet dhe kurrë nuk më ka rastisur një episod i tillë. Fëmijët e sapolindur e kanë shumë të vështirë t’i belbëzojnë këto fjalë”, tha ajo.

Papanova vazhdon më tej: “Embrioni është i përshtatshëm të edukohet qysh në bark të nënës. Ai mund ta ndjejë botën nëpërmjet ndjenjave të së ëmës. Nëse me embrionin punohet dhe mundohet t’i jepet një edukim si fëmijë i lindur, fëmija mund të lindë me aftësi të jashtëzakonshme”, tha ajo

Koecidenca apo nje teh misterioz...



Vërtetë aktualisht është shume tronditëse!!
(Sidomos pjesa e fundit, por lexoje së pari të tërën)

>1. New York City ka gjithsej 11 germa
>2. Afghanistan ka gjthsej 11 germa.
>3. Ramsin Yuseb (Terroristi i cili ka kërcënuar se do t’i shkaterrojë kullat binjake në vitin 1993) po ashtu ka gjithsej 11 germa.
>4. George W Bush po ashtu ka 11 germa.

Kjo mund të jetë një koinçidencë e thjeshtë, por i ben gjërat më interesante këtu:
>1) New York është Shteti i 11-të.
>2) Aeroplani i parë i cili është përplasur për kullat binjake ka qenë fluturimi numër 11.
>3) Fluturimi numër 11 ka bartur 92 persona (9+2=11).
>4) Fluturimi numër 77 i cili po ashtu është përplasur për kullat binjake ka bartur 65 udhëtarë (6+5=11)
>5) Tragjedia ka ndodhur me 11 Shtator, apo ashtu sic tani është e
njohur 9/11 (9+1+1=11)
> 6) Kjo datë është e ngjashme me numrin e emergjences
së servisit telefonik 911 (9+1+1=11)

Një koinçidencë e plotë apo jo??:

>1) Numri total i viktimave në avionët e rrëmbyer ka qenë 254 (2+5+4 =11).
>2) 11 Shtator-i është dita e 254 me radhë në vitin kalendarik.
Prap kemi (2+5+4=11).
>3) Bombardimi i Madridit ka ndodhur me 3/11/2004 (3+1+1+2+0+0+4=11).
>4)Tragjedia e Madridit ka ndodhur 911 dite (9+1+1=11) ditë pas incidentit të
kullave binjake.
>Tani kjo është ajo që gjërat i bënë të mbinatyrëshmë (të frikshme):
> Simboli më i njohur për SHBA-të, pas yjeve & shiritave, është
Shqiponja.

Vargjet më poshtë janë të marrura nga Kurani, libri i shenjte
Islamik:

> ‘Pasi që është e shkruar se një bir Arabie do ta zgjoi
Shqiponjën
> Frikësuese. Tërbimi i Shqiponjës do të bie mbi tokat e ALLAHUT
përderisa disa popuj të shëndruar në dëshprim akoma më të kënaqur: për
tërbimin e Shqiponjës Frikësuese pastruan tokat e ALLAHUT dhe aty ka
pasur PAQE. Ky citat është numër 9.11 nga KURANI.

Akoma nuk jeni të bindur për këtë? ?!

Provojeni këte dhe shikoni se si do të ndjeheni pastaj. Mua më janë ngritur flokët përpjetë nga kjo:

Hapeni Microsoft Word dhe bëni si më poshtë:

>1. Shkruani me të mëdha Q33 NY. Ky ka qene numri i fluturimit të avionit të parë që ka goditur kullat binjake.
>2. Selektojeni këte:- Q33 NY
>3. Shëndrojeni shkrimin në madhësinë 48.
>4. Shëndrojeni shkrimin actual në WINGDINGS dhe do të fitoni një pamje interesante, krejt lehte e kuptueshme

Britaniku katër muaj do të jetojë me gjarpërinjtë helmues



Britaniku 44-vjeçar, David Jones nga Crawley i Susse, qe më 24 prill ka filluar përpjekjen e tij për të thyer rekordin botëror në ndarjen e hapësirës së jetës me disa nga gjarpërinjtë më helmues në botë.

David Jones ka ndërmend të kalojë 121 ditë duke u përballur çdo ditë me disa nga zvarranikët më helmues në botë, njoftoi “Sky News”.

Dhoma në të cilën si “cimarë” do t’i ketë kobrat, mambat e zeza dhe të gjelbra po e pret në Johannesburg, ndërsa në të do të shpërngulet në 24 prill.

Jones është i vetëdijshëm për pasojat dhe ka thënë se e di shumë mirë që shumica e kafshëve të egra janë të paparashikueshme, por thotë se i pëlqejnë sfidat dhe dëshiron t’i fitojë ca para të cilat më vonë do t’i dhurojë për qëllime humanitare.