Nga janari 50% rritje të pagave për mësimdhënësit

Kryeministri në largim i Kosovës, Hashim Thaçi, ka thënë se nga janari i vitit të ardhshëm do të ketë rritje të pagave për 50 për qind, për mësimdhënësit e arsimit të mesëm dhe fillor.

Pas një takimi me kryetarin e SBASHK, Ali Shabani, Thaçi tha gjatë këtyre tri viteve, Qeveria e Kosovës, përkatësisht Ministria e Arsimit, kanë pasur një bashkëpunim të shkëlqyeshëm, që i ka munguar më herët edhe SBASHK, por edhe institucioneve të vendit.

"Ka qene premtim dhe zotim i imi edhe më herët, që së bashku duke diskutuar me përfaqësuesit e arsimit për soulicione të mira, për nxjerrjen e vendimeve të reja për rritjen e pagave edhe në procesin e tanishëm për të gjithë punëtorët e arsimit të mesëm dhe fillor. Prandaj ne sot erdhëm në konkludimin e përbashkët që kemi diskutuar edhe më herët, se që nga një janari i viti të ardhshëm për të gjithë punëtorët e arsimit të mesëm dhe fillor do të ketë rritje të pagave për 50 për qind", citohet Thaçi nga RTV21. /