Williams e “Take That” nisin turneun me koncert madhështor

Londër, 30 maj - “Take That” dhe Robbie Williams kanë shënuar ngjarje historike në pop-muzikën, duke hapur turneun më të madh në Angli dhe Irlandë, me koncertin e parë të mbajtur në Sunderland. Koncerti ishte i pari i 29 evenimenteve të planifikuara, me 1,8 milionë bileta të shitura, duke thyer rekordin që grupi e kishte arritur në vitin 2009. Në koncertin madhështor u interpretuan hite si “Pray”, “Relight My Fire” dhe “Never Forget”. William, i cili për herë të fundit kishte mbajtur turne me grupin në vitin 1995, po ashtu pati edhe disa performanca solo. Turneu ka shënuar ribashkimin e grupit. Të pranishmit në koncert u ndanë të kënaqur.
“Ishte absolutisht madhështore, më shumë se sa që kemi shpresuar”, ka thënë Dianne Roberson, 52-vjeçare nga Derby.

sa te medhenj jan keto lloj kengetaresh