Ibrahim Tatlises rimëkëmbet, por mund të shkojë në burg!!!

Këngëtari turk i njohur botërisht Ibrahim Tatlises u kthye në
Stamboll në 1 qershor pas javësh trajtimi në Gjermani për një plagë në
kokë në një orvatje vrasjeje në mars. Tani, megjithatë, ai ndeshet me
probleme ligjore për lidhje të dyshuara me botën e krimit të Turqisë.

Duke komentuar mbi gjëndjen e Tatlises, profesor Tunç Alp Kaljon,
kreu i institutit në Stamboll ku këngëtari po vazhdon trajtimin, tha se
morali dhe reagimi i Tatlises ndaj trajtimit janë pozitive. “Gjendja e
përgjithëshme e pacientit tonë është tejet e mirë. Mund të themi se
është më mirë se ç’prisnim.”
Zërat u përhapën menjëherë pasi Tatlises u qëllua në Stamboll në 14
mars se ai nuk do të mund të ecte apo të këndonte kurrë. Ai pësoi
paralizë në anën e majtë të trupit dhe kaloi 58 ditë në një klinikë në
Gjermani. Ndonse gjendja shëndetësore e këngëtarit u përmirësua, gjendja
e tij ligjore mbetet me pikëpyetje. Gjykata e Lartë e Apelit e Turqisë
ktheu një vendim gjykate që shtynte një dënim prej 13 muaj e 15 ditë që
Tatlises mori për “ndihmën me dashje e me qëllim ndaj një organizate
[kriminale].”
Sipas vendimit origjinal të gjykatës së Stambollit, këngëtari u gjet
fajtor por mori një dënim të shtyrë me kusht që të mos përsërisë më
krimin në pesë vjet. Megjithatë, kur rasti shkoi në apel, Gjykata e
Lartë e Apelit vendosi se dënimi nuk duhet të shtyhet. Tani, gjykata e
Stambollit lidhur me këtë, do të inspektojë dosjen e rastit edhe një
herë dhe do të vijë prapë në një vendim tjetër.
Duke ju drejtuar gazetarëve në 3 qershor, avokati i Tatlises, Ahmet
Kuçuk nuk shprehu shqetësim lidhur me gjendjen ligjore të këngëtarit,
duke thënë se pretendimet se ai mund të ndeshet me kohë burgimi janë të
pabaza. “Vendimi kthimit i Gjykatës së Lartë të Apelit është në favor të
klientit tim.”
Sipas Kuçuk, në qoftë se gjykata shtyn dënimin prapë, rasti do të mbyllej dhe në të dhënat e Tatlises nuk do të mbetej shkelje.
Duke vlerësuar situatën për SETimes, avokati Ilkhan Mehmet Elçin ra
dakord me vlerësimin e Kuçuk, por përmendi gjithashtu një tjetër
mundësi. “Gjykata e Lartë e Apelit mund të mendojë se kushtet për
shtyrjen e dënimit mund të mos jenë realizuar për Tatlises,” tha ai,
duke shpjeguar se ligjshkelësi duhet të shfaqë pendim në mënyrë që të
ketë të shtyrë një dënim. Kjo, tha ai, është diçka për të cilën Gjykata e
Lartë mund të mos jetë e bindur, në të cilin rast Tatlises nuk do të
dilte i lirë.

Ndërkohë, hetimi në tentativën e vrasjes ndaj Tatlises vazhdon.
Këngëtari do të dëshmojë sapo mjekët e tij ta gjejnë atë të
përshtatshëm.
Admiruesit dhe kritikët e Tatlises kanë ndjenja të përzjera rreth
shtjellave të serive të ngjarjeve dhe lidhjeve të dyshuara të popstarit
me krimin e organizuar.
Duke folur për SETimes, shkrimtari dhe eksperti i muzikës popullore
turke Naim Dilmener komentoi se kjo nuk është hera e parë që emri i
Tatlises është përmendur me krimin e organizuar, por kjo nuk krijon një
reagim negativ nga admiruesit e tij. “Në vende si ky, të tilla lidhje,
edhe megjithse ato nuk kanë të bëjnë asgjë me qënien një njeri, janë
parë si faktorë primarë të të qenit i fortë e i
fuqishëm.”//settimes.com/graviteti.com/femina.al/

nese aj shkon ne burg ather sa po te jet paraburgimi i tij lot

per kshu ma mir i leverdiste te mos jetonte me....