A është shamia sulm mbi shoqërinë demokratike?

Njerëzit fisnikë ndaj grave të tyre janë bujarë dhe të kujdesshëm. Përçmimi dhe dëmi ndaj tyre mund të ndodh nga njerëzit me karakter të ulët dhe të dëmshëm. Lëndimet, sprovat dhe vuajtjet janë reale në histori dhe duhet të shërbejnë si mësim që mos t’i përsërisim gabimet dhe mëkatet.

Pas sprovave dhe vuajtjeve njeriu çlirohet nga prangat e mosnjohjes dhe zemra e njeriut më qartë se deri atrëherë e njofton bukurinë e mirëfilltë të fesë së vërtetë.

Ndaj, muslimanja e njofton vetë fenë e saj dhe nuk pretë urdhëresë prej kryetarëve shtetërorë që t’ju flasin për fenë e tyre dhe të drejtat e tyre. Muslimanja në përgjithësi dhe ajo shqiptare në veçanti nuk kërkon dhe nuk pretë vendim dhe leje të Fatmir Sejdiut, Merkelit, Sarkozit, Bushit, Putinit e shumë të tjerëve si ta njohë dhe mësojë fenë e saj, a duhet të bajë shami, apo duhet të zhveshet. Nëse jomuslimanja ka të drejtë të zgjedh mënyrën dhe llojin e veshjes, edhe muslimanja ka të drejtë në zgjedhjen e veshjes dhe mënyrën e llojin e saj.

Për pozitën e femrës në Islam është shkruar, folur e përfolur mjaft. Pa marrë parasysh çka është folur deri tash, sërish duhet të flitet për rolin dhe rëndësinë e saj në shoqëri dhe familje në kohën e ngatërrimit të vlerave dhe pavlerave. Mendimet tendencioze dhe abuzive për pozitën e femrës në Islam shpesh herë gjejnë hapësirë si në botë ashtu edhe te ne. Jemi dëshmitarë të abuzimeve ndaj femrës muslimane në shumë vende të botës, por edhe në Shqipëri, Kosovë e vende të tjera. Fanatikë shekullaristë , antimuslimanë , në vazhdimësi provokojnë ndjenjat muslimane, duke atakuar vlerën më të madhe, femrën, e cila me veshjen e saj ngjason në perlën e cila strehohet në guacën e saj.

Intelektuali i njohur musliman, Zijauddin Serdari, duke e komentuar aferën e shamisë në Francë, me gjysmë ironi thotë: Thus, a French woman with a scarf is chic, but a Muslim woman with a scarf is a threat to civilization! “Ndaj, francezja me shami është shik (simpatike), kurse femra muslimane me shami është kërcënim për qytetërimin.”
Pse ky panik?, pse ky alarm?, për shkak të femrës muslimane me shami në kokë? Përse gjithë kjo rrëmujë për femrën muslimane me shami?

Ata thonë: Dëshirojnë që femrën muslimane ta çlirojnë nga mesjeta? Por, përse, nga kush në mesjetë? Ata thonë: Ta çlirojnë nga feja dhe nga bindja ndaj Zotit!

Mirë, ta çlirojmë nga feja dhe nga bindja fesë islame, por çka ofroni si zëvendësim në vend të fesë islame dhe të shamisë?
Ata thonë: Lumturinë!

Ohoho! Ç’është lumturia?, kujt i thoni “lumturi”, zotëri? Heqjes së shamisë dhe zhveshurisë? Absurd!

Është i njohur rasti i një artisteje franceze, e cila para kamerave televizive ka prezantuar një skenë plotësisht e zhveshur. Në një moment u bë histerike, bërtiti në drejtim të artistëve dhe regjisorit: “O qenë, ju nuk jeni njerëz, ju nuk dëshironi me ne femrat tjetër gjë pos trupit tonë, në mënyrë që të bëheni milionerë në kurrizin tonë!” Pastaj u kthye duke qajtur.
Tërë kjo fletë për vuajtje të mëdha, të cilat me perfiditet fshehen, por këto vuajtje megjithatë janë të qarta.
Për femrat e zhveshura shekullaristë t thonë se janë më moderne, më të qytetëruara dhe më të kulturuara se femrat muslimane, por mallkuar qoftë ai modernizëm, ai qytetërim dhe ajo kulturë që për vlerë e quan zhveshurinë dhe kënaqësinë e krevatit.

Me apo pa dëshirë, duhet të pranojmë se femra sot është bërë mjet i mirë për sendërtimin e interesave të meshkujve dhe kompanive mafioze. Me të drejtë Evro-perëndimi e atakon femrën muslimane sepse në të sheh pengesën e fundit dhe të vetme, barrikadën e fuqishme kundrejt egoizmit dhe pangopësisë së tyre.

Bota moderne pretendon se ka arritur ta barazojë femrën me mashkullin, por harrojmë se bota moderne e barazoi femrën në atë që nuk është femërore. Modernja e bëri femrën objekt publik admirimi dhe shpërdorimi, ia mori personalitetin, vlerën femërore dhe vetëmohimin e saj. Nga pozita e nënës, e zonjës dhe e menagjerit familjar, femra u stransformue në manekene, fotomodele, në objekt bordelesh, në një “kafshë e mirë” për të plotësuar afinitetet dhe obskurantizmin mashkullor.
Deri sa në Islam femra ishte lule në mes shumë luleve në kopsht, femra në qytetërimin modern u bë lule që hedhet në rrugë, që nëpërkëmbet dhe përçmohet.

Por, për këtë arsye, ne muslimanët nuk i urrejmë të tjerët por e urrejmë të keqen që serviret si vlerë dhe është rrënjosur në kokat dhe qenien e modernistëve.

Është e qartë se shamia nuk është sulm mbi vlerat demokratike, sepse sulm mbi këto vlera është zhveshuria dhe çoroditja morale e motivuar me interesa politike dhe ekonomike.
Vallë, do të kthjellen kokat e qeveritarëve dhe intelektualëve tanë dhe angazhimin e tyre do ta orientojnë drejt të keqes e jo drejt të drejtave më elementare individuale dhe fetare në shoqërinë tonë në Kosovë dhe në trojet shqiptare.

Jo aspak

jo,,,se te pakten nga njerezit e zotit e pret njeriu me pak te keqen se sa nga te tjeret,,,

Jo nuk eshte pse shum e shohin ne kete aspekt secili ka kulturen e ti edhe ka shum deshire ta rrespektoj po te gjithe duhet te jemi optimist edhe te rrespektojme te gjithe ata qe secili ka nje kulture ..

Nuk e shoh si ''Sulm''...Per deri sa je i gatshem ti Respektosh Besimin Fetar gjdo qytetari..ate here eshte e drejt e gjdokujt te mbaj ate qe i perket besimit fetar!

Nuk me pengojne keto veshjet apo besimet qe mund te kete gjithsecili e se quaj sulm aspak,i respektoj te gjitha fete ,,
Per mua sulm jane ata individe qe jan perrallisur rreth feve e i shikoj ne cdo forum e chat te hyne tu imponojne me cdo kusht te tjereve fene e tyre....qofte kjo fe Myslimane,Ortodokse apo Krishtere...
Do na percajne si komb e do hapin nje lufte te re mes nesh nderkohe qe si komb skemi pasur kurr percarje e zenka te tilla rreth feve e per kete na i kishin e na i kane ziline tera shtetet e huaja qe haen mes veti per shekuj me rradh per shkak te fese....

Besoj se cdo vendimi i nje njeriu te caktuar duhet te respektohet perderisa nuk cenon lirin e tjetrit... dhe shamia eshte nje e drejte e pa kushtezuar dhe nuk cenon asgje per mendimin tim :)

Shamia eshte simbol dhe ka te beje vetem me njeriun, me femren qe e mban shamine, e jo me shoqerine.Eshte e drejta e saj, dhe ate qe te tjeret duhet ta bejne eshte te tregojne respektin e duhur.

Pastaj,ka gjera tjera per te cilat mund te behet kjo pyetje, e jo per shamine.Perceptim i gabueshem!!!

isha duke ecur nje dit rruges si kalimtar dhe u ndala ne nje semafor pas meje u ndalen dhe disa qytetar te tjer ne te majten time ishte nje grua e mbuluar me nje veshje te zez, ashtu si mbulohen ne vendet arabe
ndersa ne te djathten time nje gru me nje femij prej dore qendruan dhe po prisnin te hapej semafori femija kthen koken dhe shikon gruan e mbuluar dhe i fut nje te uleriture : maaaamiiiiiii gogoliiii dhe aq shum filloj te qaj saqe spo pushonte me...

cdo kultur ne vend te vet ne kohen e vet, me njerzit e vet
Shqiptaret jane arabizuar aq shum saqe nuk ka me tradita te Arberit, as kultur te arberit, por po perdorim emrat e kombeve te tjer te cilet kan qen emra edhe para se te hynte ne to vende feja pra pse duhet ne te vendosim emra te kombeve te tjer, pasandaj na vihen Sllavet nen sulm duke na then se ju Shqiptaret jeni te ardhur, nuk kini shkrime te shqipes qe te vertetojne ekzistencen tuaj, dhe ne i themi: por kemi kulturen e trasheguar kemi emrat Ilir qe vec ne i flasim e i ruajm
mirpo me kto ngjarje qe po rrjedhin shpejt drejt arabizimit kemi humbur dhe kulturen arberore dhe zakonet e emrat e bukur Shqiptar
tashme jemi ber ahmet Hamza dervish e shum e shum emra qe nuk na identifikojne si pasardhes as te Arberve e as te ilireve,

Varet nga besimi dhe nga menyra sesi njerezit e shikojne mbajtjen e shamise.

ansolutisht jo,,,ashtu sic nuk po quhet sulm ndja shoqerise dalja e femrave me gjysmat perjashta,,,,demokracia esh gjithsecili te veten apo jo???