Shuhet në moshën 86-vjecare, Ramiz Alia ish-udhëheqësi komunist

TIRANE- Shuhet në moshën
86-vjecare Ramiz Alia. Udhëheqës i dytë dhe i fundit komunist në
Shqipëri dhe Presidenti i parë i shteti pluralist, mbylli sytë
mëngjesin e sotën rreth orës 7:00 në spitalin e Senatoriumit në
kryeqytet.


Alia vuante nga një komplikacion në mushkëri,
(trenboembolia pulmonare), dhe për këtë arsye ishte shtruar disa herë
në reanimacion, sic shpjegojnë edhe mjekët. Së fundi ai u paraqit me
probleme të rënda të frymëmarrjes dhe u intubua me oksigjen që ditën e
parë. Ditët e fundit të jetës ai kishte vështirësi në frymëmarrje,
dhimbje të gjoksit dhe shtim të ritmit kardiak.

JETA
Ramiz
Alia lindi më 18 tetor 1925 në Shkodër dhe u bashkua me lëvizjen
komuniste shqiptare përpara se të mbushte 20 vjec. Alia u diplomua në
shkollën e Partisë në Moskë për filozofinë marksiste -leninisite (1954)
dhe ngjiti me shpejtësi shkallët e karrierës nën patronazhin e Enver
Hoxhës. Në vitin 1961 ishte anëtar me të drejta të plota i byrosë
politike në pushtet. (Byrosë Politike të Partisë së Punës të
Shqipërisë).

Alia është udhëheqës i dytë dhe i fundit komunist
të Shqipërisë 1985-1991, dhe Presidenti i Republikës Popullore
Socialiste të Shqipërisë 1991-1992, si dhe presidenti i parë i
postkomuniste në Shqipëri deri në vitin 1992. Ai kishte qenë i caktuar
si pasardhës nga Enver Hoxha dhe e mori pushtetin pas vdekjes së tij.

Më
3 prill 1992 Alia dha dorëheqjen nga posti i presidentit të Shqipërisë
pas zgjedhjeve të parakohshme parlamentare të 22 marsit 1992, ku në
pushtet erdhi koalicioni i djathtë i udhëhequr Partia Demokratike. Në
gusht të vitit 1992 ai u vendos në arrest shtëpie dhe u arrestua në
shtator të viti 1993 ku u dënua me 9 vjet heqje lirie për abuzime me
pushtetin.Më 7 korrik 1995 pas disa procesesh gjyqësore, Alia lirohet
nga bugru. Ai u shfaq në TV pas trazirave të vitit 1997 në Shqipëri në
një intervistë ekskluzive televizive për herë të parë pas daljes nga
burgu.

Si president i parë pluralist Alia ndaloi represionin
politik, kurse ne vitin 1989 nje amnisti e pergjithshme solli lirimin e
shume te burgosurve mes tyre dhe shume politik. Alia ndërmori hapat e
para për të krijuar lidhje me Perëndimin, forcimin e marrëdhënieve me
Greqinë, Italinë, Turqinë dhe Jugosllavinë.

VEPRIMTARIA
Detyrat më të rëndësishme të Ramizë Alisë kanë qënë:
Sekretar i Parë KQBRPSH (1949-1955),
Ministër i Arsimit dhe Kulturës (1955-1958),
Anëtar i Byrosë Politike dhe Sekretar i KQ PPSH-së për ideologjinë (1961-1985),
Deputet, Kryetar i Presidiumit të Kuvendit Popullor (1982-1990),
Sekretar i Parë i KQ të PPSH-së (1985-1991)
Kryetar i Këshillit Presidencial (1991).

TRUPI I PAJETË DËRGOHET NË MORGUN E QSUT-së
Ora 9:23- Ambulanca me trupin e pajetë të Alisë u drejtua drejt morgut të ‘Qëndrës Spitalore Nënë Tereza’, pas kërkesës së familjarëve.

Mësohet
se familja Aliu pret që edhe familjarë të tjerë që ndodhen jashtë
vendit të kthehen në Shqipëri dhe të marrin pjesë në ceromoninë dhe
homazhet që do të zhvillohen në nder të të ndjerit Ramiz Alia.

DR. MEZINI: TRUPI I RAMIZ ALISË DO TRANSPORTOHET NË QSUT
Ora 08:30-
Për vdekjen e Ramiz Alisë ka folur edhe Doktori Arjan Mezini. Sipas
tij, “Alia kishte 4 ditë i shturar në spital dhe vuante nga një
sëmundje e vjetër”. Mezini shtoi se, me kërkesë të familjarëve trupi i
pajetë i Ramiz Alisë do të traqnsferohet në morgun e QSUT-së.
Doktori
sqaroi se vetë ministri i Shëndetësisë Petri Vasili është interesuar në
Sanatorium që të kryen të gjitha procedurat posmortore.
(e.m/m.a/BalkanWeb)

Shpirti ne paqe ketij qe zuri pjese ne historine shqiptare.



Ngushellime familjes se tij.

R.I.P edhe ti Ramiz.

Sido qe te jete dhe ne cilen kohe ishte udheheqes Ramiz Alia do ngele nje figure e famshme per shtetin tone shpirti ne paqe per at njeri ngushellime

ndjes paste .

paste kembe te mbare e i mart me vete kta tjeret qe la pas tipxhaxhi [ SALA ] hahahah, a do shkoje njeri ne varrim...???

Per Saliun jam dakort.
NQS do isha ne Shqiperi sdo ishte ndonje turp te merrja pjes ne varrim .
Duke menduar se do merrja pjese ne rikujtimin e nje pjese te Historise se Shqiperise qe disa burra KRijuan e luftuan per ta patur e per ta gezuar dhe pse ne menyren e tyre.

Luftuan atehere kur s'ekzistonte Shqiperia ekzistonte vetem patriotizmi drejt saj.
Luftuan dhe nga hici ngriten nje SHTET ne kembe me te mirat e te keqijat e drejtimeve te tyre politike , por ajo qe eshte e rendesishme eshte se
ATA NDERTUAN NJE SHQIPERI

NDERSA

XHaxhi Sali perndoqi nje RINI TE TERE....nje Gjeneracion qe kane marre udhet se dime se ku...sa u mbyten e sa u vrane...sa vajza perfunduan neper rruge etj etj plage shoqerore qe ashtu sikurse na dha Demokraci xhaxhi Sali na hapi plage te pasherueshme si ne KULTUR E SI NE SHOQERI.

Skam ekzistuar ne kohen e politikes se Ramizit, por kam degjuar ne youtube, nje bisede qe ai ka patur me te rinjte dhe me ka lene pa fjale si kerkonte te gjente nje pike takimi me te rinjte dhe pse ne Komunizem.


Ky eshte mendimi im !! Ai eshte Pjese e historise dhe do mbetet simboli i asaj shoqerie qe sdo ekzistoje me kurre sepse jemi kozmopolita dhe globalizim te tere !!!

hec mo se 86 vjet boll e ka ngrene,,,

Hmm Arabela edhe armikut armik duhet ti besh ngushellime edhe pse i vjeter edhe ka bere shum per shqiperine dikur edhe pse ja kan hedhur poshte te tjeret besoj se te vjen gjynah ..

po po shume gjynah me vjen,,,po vdesin te rinj dhe ske ctu besh,,lene mo ate qe ka bere qejf gjithe jeten,,,,rahmet i paste shpirti,,,

ngushellime familjes ...............
ishte nje nga te vetmit komuniste qe e dorezoi pushtetin pa gjakderdhje ....