Hakerët shqiptarë sulmojnë disa uebfaqe serbe

Krahas ngjarjeve të fundit që janë duke ndodhur me vendosjen e barrikadave në veri të Kosovës, ushtarët virtualë shqiptarë mundohen që të mos rrinë duarkryq por ta shfrytëzojnë shkathtësinë e tyre në internet për të shprehur porosi për të treguar që qyteti i Mitrovicës është dhe do të mbetet qytet i shtetit të Kosovës.

Faqja që së fundi është sulmuar është sremaskamitrovica.org.rs e cila momentalisht nuk mund të hapet me IP adresa të Kosovës, por vetëm nga jashtë vendit. Kjo faqe tashmë është kthyer në gjendjen normale.

Në kohën kur kjo faqe ishte e sulmuar ishte paraqitur harta e të gjitha trojeve shqiptare në një tërësi të vetme, e njohur ndryshe edhe si Shqipëria etnike, dhe porosi që thonin se hakerët shqiptarë e zotërojnë sigurinë e tyre.

Gjatë ditëve të kaluara ishin të sulmuara disa uebfaqe serbe të cilat tashmë janë kthyer në gjendjen e mëparshme. Për ta parë gjendjen e dy faqeve nga shumë sosh të sulmuara gjatë kohës kur ishin të sulmuara klikoni këtu.

Këto sulme paraqesin vetëm një betejë nga shumë beteja të tilla virtuale të zhvilluara në mes të hakerëve shqiparë dhe atyre serbë, që paraqesin një luftë virtuale, me sulmet e bëra në uebfaqe të ndryshme, duke përfshirë edhe uebfaqe të institucioneve të të dyja vendeve.

aahaaaahahhaaha sa mir ja paskan bo