Motrat Kardashian paditen për reklamim të rremë

Starleta Kim Kardashian dhe motrat e saj, Khloe dhe Kourtney, janë paditur për reklamim të rremë të pilulave.

Padinë kundër motrave Kardashian dhe prodhuesit të pilulës, kompanisë "QuickTrim", e kanë paraqitur katër ish-përdorues të produkteve që janë në kërkim të pesë milionë dollarëve si dëmshpërblim.

Ata theksojnë se pretendimet e bëra në reklamë të kompanisë për humbje peshe në të cilën duken treshja e famshme ishin "të rreme, mashtruese dhe të pabaza".

Përbërësi kryesor i tabletave është kafeina me shtimin e përzierjes së bimëve efikasiteti i të cilave kurrë nuk është provuar klinikisht, thuhet në padi.

Pjesëmarrja në fushatat e reklamimit është një nga burimet kryesore të të ardhurave të familjes Kardashian, pasuria e të cilëve është vlerësuar në 65 milionë dollarë.

Kjo nuk është hera e parë që yjet e reality show, i cili transmetohet në kanalin amerikan "E", janë paditur për shkak të marketingut të keq.

Agjencia Reuters rikujton se në fillim të vitit të kaluar, tri motrat dhe nënën e tyre Kris Jenner i ka paditur kompania e kredit kartelave, e cila për shkak të përfundimit të papritur të kontratës nga ana e tyre ka kërkuan dëmshpërblim prej 75 milionë dollarësh./knninfo/

e pra si bejn edhe keta.